Sy gedigte verskyn in Afrikaanse verwerking in “''Gebroke sinne''” en “''Ja!''”.<ref>[http{{cite web|url=https://www.dbnl.org/auteurs/auteur.php?id=bos_083|title=Stef DigitaleBos bibliotheek· voor Nederlandse Letteren]dbnl|first=|last=DBNL|website=DBNL}}</ref> Hierdie bundels bevat werk wat moeilik klassifiseerbaar is, aangesien dit nie suiwer gedigte of liedtekste is nie. Beide boeke is ryklik geïllustreer. “'''''Gebroke sinne'''''” is soos die titel aandui eerder gedagtes en besinnings, waar die sinne in kort reëls verdeel word en is ’n Afrikaanse vertaling van die oorspronklike Nederlands, met liefde as fokuspunt. Die boek word geïllustreer deur Marianna Booyens.<ref>Olivier, Fanie “Beeld” 30 Augustus 2004</ref> “'''''Ja!'''''” is soortgelyk van aard en word geïllustreer deur Eric de Bruijn. Dit bevat oorspronklike Nederlandse en Afrikaanse werk, met die Nederlands in die meerderheid. Die liefde en vervreemding is ’n sentrale tema in hierdie bundel, maar hy brei die tematiek uit deur ook gedigte oor onder meer politiek, tyd, religie en die dood in te sluit.<ref>Kombuis, Koos “Rapport” 11 Februarie 2007</ref><ref>Burger, Kobus “Beeld” 30 Oktober 2006</ref><ref>Van Niekerk, Jacomien “Tydskrif vir Letterkunde” Jaargang 44 no. 2, Lente 2007</ref><ref>Loots, Marina “By” 6 Januarie 2007</ref> “'''''Stillewe'''''” is ’n bundel wat sy ontstaan het tydens ’n reis deur Suid-Amerika, geïllustreer deur sy vrou Varenka Paschke. Hierdie bundel word vir die verhoog verwerk in ’n musiekuitvoering wat in [[2009]] by die [[Klein Karoo Nasionale Kunstefees]] debuteer. Sy eerste [[DVD]], “''Rooi aarde swart bloed''”, word in [[2007]] in Suid-Afrika opgeneem en in 2010 gee hy “''Kloofstraat''” uit, sy eerste volledig Afrikaanse musiekalbum. Daarna volg ook die album “''Kaalvoet''” in Afrikaans.
