Lethabo-kragstasie: Verskil tussen weergawes

Lethabo is gebou op 'n hoogte van 1 460 meter bo [[seevlak]]. Die steenkoolmyn wat aan Lethabo lewer is die New Vaal-myn - 'n oopgroef myn. Die steenkool wat uit dié myn afkomstig is, is van besonder "swak" gehalte en het van die laagste energie-inhoud (sowat 15 MJ/kg) en hoogste as-inhoud (sowat 40%) wat ter wêreld gebruik word vir die ontwikkeling van elektrisiteit.

Lethabo, net soos al die moderne Eskom kragstasies, bestaan uit ses eenhede wat elk sowat 618 MW se elektrisiteit kan ontwikkel. Elke eenheid bestaan uit 'n afsonderlike stoomketel, turbine, generator en hulptoerusting om die proses van kragontwikkeling te ondersteun.

Die eerste eenheid van Lethabo is in 1985 in bedryf gestel en die laaste eenheid in 1990. Die naam "Lethabo" is uit Tswana geneem en beteken "''om 'n goeie lewenswyse te voer''".

Die ligging van die kragstasie is doelbewus gekies om effektiwiteit te maksimeer. D.w.s. dat dit op 'n steenkoolveld is om die vervoer van steenkool te vergemaklik, teen die [[Vaalrivier]] omdat dit van water afhanklik is en naby aan die [[Witwatersrand]] om die groot elektriese aanvraag van [[Gauteng]] met krag te bedien. Vir dié doel lewer Lethabo krag aan die 275 kV netwerk wat rondom die stede van [[Pretoria]] en [[Johannesburg]] bestaan om aan hulle krag te verskaf.

Lethabo het 'n droë ashoop waar die as teruggeplaas word in die gebied van die myn waaruit die steenkool reeds verwyder is. Die ashoop word gerehabiliteer deur die as met bo-grond te bedek wat dan met grassaad gesaai word - die gras wat natuurlik in die omgewing voorkom. Lethabo laat nooit water terug na die rivier toe nie, sodat waterbesoedeling nie kan plaasvind nie.

Die totale leeftyd van die kragstasie word geraam op tussen 40 en 60 jaar, afhangend van verskeie omstandighede. Nadat dit uit diens gestel word, sal dit gesloop word en sal die terrein gerehabiliteer word vir landbou gebruik.