Panteon in Rome: Verskil tussen weergawes

Volgens die antieke Romeinse geskiedskrywer [[Cassius Dio]] was daar standbeelde van [[Mars (mitologie)|Mars]] en [[Venus (mitologie)|Venus]], naas dié van ander godhede, asook een van [[Julius Caesar|Gaius Iulius Caesar]] wat ná sy afsterwe goddelike verering as Divus Iulius geniet het. Cassius Dio, wie se beskrywing van die Panteon uit die vroeë 3de eeu n.C. dateer, was reeds nie meer in staat om die presiese oorspronklike funksie van die heiligdom uit te lig nie. Sy kommentare dui nogtans daarop dat die tempel volgens die hellenistiese voorbeeld in noue samehang met die Juliese heerserfamilie gestaan het. So word die godhede Venus en Mars tradisioneel verbind met Julius Caesar en sy aangenome seun Gaius Octavius (deur sommige Octavianus<ref> Die uitgang ''-anus'' in Romeinse name word algemeen deur seuns gedra wat aangeneem is. Gaius JuliusOctavius het self nie die naam Octavianus vir homself gebruik nie.</ref> genoem) - die latere keiser [[Augustus Octavianus|Augustus]]. Die benaming Panteon vir die heiligdom is moontlik hiervan afgelei, alhoewel Dio vermoed dat die koepel, wat baie op die hemel lyk, die naamgewende element was.