Phillip Tobias: Verskil tussen weergawes

'''Phillip Vallentine Tobias''' ([[14 Oktober]] [[1925]], [[Durban]] – [[7 Junie]] [[2012]]) is gebore in [[Durban]], [[KwaZulu-Natal]] en was 'n bekende [[paleontoloog]] en professor verbonde aan die [[Universiteit van die Witwatersrand]]. Tobias was ’n kenner van paleo-antropologie, [[genetika]], menslike biologie, dierkunde, geneeskunde, evolusie, anatomie en die geskiedenis en filosofie van die wetenskap.

Hy het in [[1953]] ’n mediese doktorsgraad aan Universiteit van die Witwatersrand verwerf nadat hy reeds in 1951 as dosent in [[anatomie]] aan die universiteit aangestel is. Tussen 1955 en 1967 het hy verskeie topposte aan die universiteite van Cambridge, Chicago en Michigan beklee. In 1967 het hy teruggekeer na Suid-Afrika en ’n tweede doktorsgraad verwerf.

Tobias het die [[Sterkfontein]] gebied – die land se grootste paleo-antropologiese terrein – in die 1960’s van ’n gewisse ondergang gered het. Hy het nie net gesorg dat die gebied gered word nie, maar ook dat dit ook as ’n ware wetenskaplike terrein beheer word.

Hy was professor aan drie verskillende departemente van die Universiteit van die Witwatersrand - 'n ongeëwenaarde posisie. Hy is ook drie keer vir die Nobelprys benoem.