Modderpoort: Verskil tussen weergawes

Die plek was aanvanklik bekend as “Lekhalong la Bo Tau”, die “nek van die leeufamilie”, wat verwys na die opening tussen Platberg en Viervoet. Modderpoort het ontstaan nadat die Anglikaanse kerk in 1869 met sendingwerk daar begin het. Lede van die sendinggenootskap het aanvanklik in ‘n grot in die Platberg gewoon en daar kerkdienste gehou totdat ‘n klooster en kapel uit sandsteen gebou is. In 1928 is ‘n skool en kweekskool vir onderwysers begin. Laasgenoemde sluit in 1955 weens apartheidswetgewing. Die bekendste alumni is waarskynlik die politikus [[Winkie Direko]]. In die kerkhof lê o.a. die Basoeto-profetes [[Mantsopa]] begrawe. Haar graf sowel as die grot waarin die sendingaktiwiteite begin het, is ‘n bedevaartsoord vir lede van die Zion Christian Church. Gelowiges aanvaar dat die water uit ‘n fontienfontein by Moddepoort oor helende kragte beskik.