Terblanche Jordaan: Verskil tussen weergawes
Content deleted Content added
Bronne onbereikbaar of gewysig Etiket: Vervanging |
Wutsje (besprekings | bydraes) omvangrijke wijzigingen als deze s.v.p. niet zonder voorafgaand overleg |
||
Lyn 2:
== Lewe en werk ==
[[Beeld:NG Tamboerskloof2.jpg|duimnael|regs|240px|Terblanche Jordaan was ’n tyd lank leraar van die [[NG gemeente Tamboerskloof]] in Kaapstad.]]
Terblanche Jordaan is op [[15 Julie]] [[1963]] gebore as die oudste van drie kinders van mnr. en mev. Connie Jordaan. Hy het ’n suster, Annemie, en ’n broer, Kobus, wat op ouderdom 24 dood is aan komplikasies ná [[Breinvliesontsteking|meningitis]].
Hy word groot op ’n sendingstasie op [[Ga-Kgapane|Kgapane]] aan die voet van die Modjadjiberge net anderkant [[Duiwelskloof]]. Aan die [[Universiteit van Pretoria]] studeer hy vanaf 1982 in die [[teologie]], terwyl hy as koster werk by die NG gemeente Lynnwood. Hy behaal die B.A.-graad en in 1988 die B.D.-graad. In sy soeke na inligting neem hy ’n aantal ekstra klasse, waaronder kunsgeskiedenis, regsfilosofie en staatsleer en raak ook betrokke by die studenteorganisasie Nusas (National Union of South African Students). Hy studeer vanaf 1989 tot 1990 aan die [[Vrije Universiteit Amsterdam]] vir ’n Meestersgraad in die teologie en skryf ook in 2000 aan die [[Universiteit van Suid-Afrika]] in vir ’n Meestersgraad in filosofie.<ref>Volgens inligting op sy LinkedIn-webblad. Dit is onseker of hy wel hierdie kwalifikasies behaal het.</ref>
Hy voltooi ’n vliegkursus en bekom sy vlieglisensie, waarna hy ook ’n nagvliegkursus voltooi. Sy belangstelling in die vliegkuns lei tot sy programmering van ’n vlugsimuleerder, wat hy kommersieel beskikbaar maak op die tegnologie van [[Microsoft]]. Aan die einde van sy studie is hy betrokke by die destydse [[NG gemeente Jeppestown]] in die ooste van [[Johannesburg]]. Hierdie gemeente smelt saam met die [[NG gemeente Malvern]] as die [[NG gemeente Kensington]] en hy aanvaar ’n heeltydse beroep na Kensington, maar sy beroep word formeel ongeldig verklaar omdat hy nie sy militêre diensplig voltooi het nie. Sy pogings om hierna permanent as leraar by ’n kerk betrokke te raak, is telkens onsuksesvol.
Hy bedank by die Nederlandssprekende gemeente in Parktown weens die publisiteit rondom sy egskeiding van [[Brümilda van Rensburg]], waarna hy by die [[NG gemeente Melville]] (Kruisgemeente) uithelp met aanddienste maar nie heeltyds beroep word nie.
Hierna gaan hy na die Terneuzen-gemeente in Amsterdam, maar sy verblyfsvergunning sloer te lank en hy moet ook hierdie pos bedank. In Julie 1997 aanvaar hy ’n betrekking by [[Sanlam]] se hoofkantoor in Bellville as rekenaarkonsultant in die afdeling sakestelsels en tegnologie.
Ná sy bedanking by Sanlam werk hy vir ’n ruk as berader, openbare spreker en vryskutskrywer, en aanvaar aan die einde van 1999 ’n beroep na die [[NG gemeente Tamboerskloof]], Kaapstad. Hier word hy in November 2000 tydelik geskors<ref>Jannie Ferreira se artikel in ''[[Die Burger]]'' 13 November 2000: http://m24arg02.naspers.com/argief/berigte/dieburger/2000/11/13/3/5.html</ref> weens onder meer aanklagte van onsedelike gedrag en in Mei 2001 word hy op eie versoek deur die gemeente van sy pos onthef.
Hy stig hierna ’n onafhanklike nuwe gemeente in Kaapstad wat hy Kruiskerk noem, waarin die bediening in die gees staan van die Nuwe Hervorming en die mistieke. Na ’n aantal jare sluit hy in Junie 2008 aan by die Renaissance-gemeente in [[Durbanville]], ’n onafhanklike kerk met gemeentes in Kaapstad en Pretoria.
In September 2010 het hy ’n ernstige hartaanval, waarna hy ’n driedubbele hartomleiding ondergaan. Sy verblyf by die Renaissance-gemeente eindig na sowat drie jaar ook skielik in Augustus 2011, wanneer hy met die kerkbestuur vassit oor verskeie sake, insluitende geldsake en sy oorheersing van die bediening. Hy kondig dan sy uittrede aan, terwyl hy terselfdertyd die gemeentelede laat weet dat hy ’n ooreenkoms met die eienaars van die gebou waarin Renaissance vergader, bereik het. Hy sou voortaan Sondae in hierdie gebou onafhanklike byeenkomste hou, terwyl Renaissance na ander akkommodasie vir hulle byeenkomste moet soek.
Sedert September 2011 is hy dan geestelike direkteur van die Neo-Spektrum sentrum vir Christelike spiritualiteit, waar hy kursusse aanbied en as leraar en berader optree. Sy lewe is deurentyd in omstredenheid gehul. Wanneer dit bekend word dat hy op universiteit saam met ’n meisie woon, stuur die kerk se kuratorium hom vir sielkundige waarneming.
Hy trou in 1991 met die aktrise [[Brümilda van Rensburg]], wat van die paartjie glanspersoonlikhede maak wat gedurig in die nuus is. Hulle is in 1994 geskei. Ná die egskeiding bly hy ’n ruk by die sanger [[Steve Hofmeyr]] aan huis. Hy is as ongetroude man die pa van ’n buite-egtelike seun by Karine Retief. In Oktober 2002 trou hy met Hermien de Klerk, wat voorheen met [[FW de Klerk]] se seun getroud was. Hy is die jaar tevore uit sy amp by die Tamboerskloof-gemeente onthef juis weens bewerings van onsedelike gedrag omdat Hermien nagte by hom in sy huis deurgebring het terwyl hy predikant was.
In 2001 is hy weer in die kollig toe bewerings gemaak word dat hy internet-plagiaat pleeg<ref>Sien http://www.news24.com/xArchive/Archive/Clergyman-accused-of-plagiarism-20010423</ref> in van die stukke in sy rubriek “''Metronoom''”, wat in die ''Jip''-bylae van ''Die Burger'' verskyn. ''Die Burger'' beëindig daarna hierdie rubriek, terwyl die tydskrif ''[[Sarie]]'' terselfdertyd sy rubriek “''Op die man af''” staak.
== Skryfwerk ==
Hy behartig die gereelde rubriek “''Metronoom''”, wat in die ''Jip''-bylae van ''Die Burger'' verskyn en gemik is op die jeug. Hierdie rubrieke is baie gewild omdat dit aandag gee aan sosiale en ander sake wat vir die jeug belangrik is en ’n keur uit hierdie rubrieke word in die drie bundels gebundel, naamlik “''Metronoom''”, “''Metronoom II''” en “''Metronoom III''”. Hy skryf ook gedigte en sy godsdienstige gedigte word in ''Lewende water'' gepubliseer. In 1996 debuteer hy as dramaturg wanneer sy “''Die ander man''” by die Klein Karoo Nasionale Kunstefees opgevoer word. In hierdie drama gaan dit daaroor om te aanvaar wie jy is en verskyn die hoofkarakter deurentyd poedelnakend op die verhoog, simbolies van hoe elkeen van ons eintlik kaal is en slegs agter klere wegkruip om die regte mens te verberg. Hy volg hierdie drama op met “''Die soen''” en “''Om goodbye te sê''”. Laasgenoemde drama is ook in 2001 die eerste Afrikaanse drama wat in Londen (by Suid-Afrika Huis) opgevoer word. Sy kabarette sedert 1995 sluit in “''Cliché''”, “''Agter die swart gordyn''” en “''Lewensreis van ’n vreemdeling''”, waarin hy meermale self optree en van sy eie komposisies sing.
== Publikasies ==
{| class="wikitable"
!Jaar
!Publikasies
|-
|1983
|Lewende water
|-
|1999
|Metronoom
|-
|2000
|Metronoom II
|-
|2001
|Metronoom III
|}
== Bronnelys ==
=== Boeke ===
* Van Coller, H.P. (red.) “Perspektief en Profiel Deel 3” Van Schaik-Uitgewers Pretoria Eerste uitgawe 2006
=== Tydskrifte en koerante ===
* Anoniem “Kerk is ou vrou wat moan, sê Terblanche Jordaan” “Kerkbode” 4 Augustus 2000
* Anoniem “Ma van Jordaan se kind het gedig aan hom gestuur” “Die Burger” 25 April 2001
* Anoniem “Rebel in ’n toga” “Finesse” Augustus 2002
* Coetzee, Helen “Jordaan fynkam al sy boeke vir kopieregskending” “Die Burger” 30 April 2001
* De Villiers, Johannes “Glansprediker se kerk sê ‘Terblanche-show’ een te veel” “Rapport” 11 September 2011
* Ferreira, Jannie “Gemeentelede ‘diep verneder deur Jordaan’” “Die Burger” 13 November 2000
* Le Roux, Frieda en Coetzee, Helen “Kerk moet Jordaan se regskoste betaal – hof” “Die Burger” 24 Mei 2002
* Lessing, Carel “Jong Afrikaners ‘te veel in hul velle gekruip’ – Jordaan” “Plus” 27 April 1999
* Louw, Elretha “Dominee: Hoekom ek 40 dae lank vas” “Huisgenoot” 6 April 2000
* Pienaar, Jackie “Kerk bom bars” “Beeld” 24 Februarie 2001
* Price, Ivor “Jordaan en sy nuwe vrou ‘wil in stilte leef’” “Volksblad” 14 Oktober 2002
* Prins, Gavin “Teoloog kry reuse-hartaanval” “Rapport” 26 September 2010
* Rautenbach, Elmari “Die evangelie volgens” “De Kat” Augustus 1996
=== Internet ===
* Esat: http://esat.sun.ac.za/index.php/Terblanche_Jordaan
* Ferreira, Jannie Die Burger: http://m24arg02.naspers.com/argief/berigte/dieburger/2000/11/13/3/5.html
* LinkedIn: https://za.linkedin.com/in/terblanche-jordaan-0913095
* News24: http://www.news24.com/xArchive/Archive/Clergyman-accused-of-plagiarism-20010423
* Pienaar, Jackie Volksblad: http://152.111.11.6/argief/berigte/volksblad/2002/10/11/2/15.html
=== Resensies ===
{{Verwysings}}
{{DEFAULTSORT:Jordaan, Terblanche}}
[[Kategorie:Afrikaanse skrywers]]
[[Kategorie:Suid-Afrikaanse dramaturge]]
[[Kategorie:Predikante van die Nederduitse Gereformeerde Kerk]]
[[Kategorie:Geboortes in 1963]]
| |||