John A.T. Robinson: Verskil tussen weergawes
Content deleted Content added
k Ek het probeer om 'n skakel na "John Robinson (bishop of Woolwich)"in die Engelse Wiki geplaas. |
kNo edit summary |
||
Lyn 1:
Die Kopernikaanse omwenteling hou verband met die hipotese wat die Poolse sterrekundige Nikolas Kopernikus (1473–1543) geformuleer en in sy boek ''De revolutionibus orbium caelestinum'' (''Oor die omwentelinge van die hemelse liggame'') (1590) uiteengesit het. Hy het geargumenteer dat die aarde om die son wentel en nie die son om die aarde nie. Tot op daardie stadium het westerlinge op grond van die Bybel aanvaar dat die aarde die sentrum van die heelal is en dat alle hemelliggame om die aarde wentel.
[[Galileo Galilei]] (1564–1642), ’n Italiaanse sterrekundige, het hierdie hipotese nie net onderskryf nie, maar voortgegaan en dit as ’n onweerspreekbare feit verklaar. Die Katolieke Kerk het hom voor stok gekry en vereis dat hy sy standpunt moes hersien, want die Bybel (so het hulle geargumenteer) verkondig die teendeel. Hulle het hom op grond van Prediker 1:4 (“… die aarde staan ewig vas”) tot ’n ketter verklaar en hom onder huisarres geplaas.
Kopernikus en Galileo se sienings is mettertyd aanvaar en só het die aarde maar net nog ’n planeet geword wat om die son wentel. Hierdie gebeure het die gevolg gehad die tradisionele kerklike siening dat die Bybel die onfeilbare Woord van God is, en dat alles wat daarin geskryf is waar is, aangetas. Die sewentiende eeu word gevolglik as die geboorteuur van die kritiese bestudering van die Bybel beskou, want Galileo het dit benadruk dat mense hulle lees en verstaan van die Bybel by die nuwere kennis moet aanpas.
Die Darwiniaanse omwenteling hou op sy beurt verband met die hipotese wat [[Charles Darwin]] (1809–1882) na ’n seereis om die aarde geformuleer en in sy boek ''The Origin of Species'' (''Die ontstaan van spesies'') (1859) uiteengesit het. Hiervolgens is spesies nie staties nie, maar dinamies en kan een spesie in ’n ander een ontwikkel. Dit het die oortuiging wat mense op grond van die Bybel gekoester het, naamlik dat die verskillende plant- en dierespesies wat hulle geken het, oorspronklik só geskep is, ondermyn. Baie Christene het sy siening dat die mens en groot mensape ’n gesamentlike voorouer deel, skokkend gevind. Skielik was die mens nie meer minder as ’n goddelike wese nie, maar slegs ’n trappie hoër as die mensape soos die gorilla en die sjimpansee.
Die Kopernikaanse en Darwiniaanse omwentelings het ’n ingrypende invloed op die tradisionele Christelike leerstellings gehad: Die mens is deel van die diereryk en woon op ’n planeet waar lewe danksy die energie van die son (’n gewone ster) ontstaan het. Die Christelike oortuiging dat daar oorspronklik ’n perfekte wêreld bestaan het, moes plek maak vir die oortuiging dat ’n perfekte wêreld nooit bestaan het nie. Voorts dat daar nie ’n tyd was toe slegs één menspaar bestaan het nie; ook nie dat hulle ongehoorsaamheid tot ’n sondeval en die dood gelei het nie (Genesis 2-3). Alles in die ganse heelal word gebore, groei en sterf uiteindelik. Sterre word gebore, groei en sterf; planete word gebore, groei en sterf; plante en diere word gebore, groei en sterf. Om te sterf is nie abnormaal nie, maar hou verband moet hoe die heelal funksioneer.
| |||