Kazan: Verskil tussen weergawes

Kazan is by die samevloei van die [[Wolga]]- en [[Kazankarivier]] en sowat 800 km oos van [[Moskou]] in die Europese gedeelte van Rusland geleë. Die stad is die geestelike sentrum van die [[Islam]]itiese godsdiens in Rusland en 'n beduidende nywerheidsentrum, met masjien- en skeepsboubou, lugvaart-tegnologie, chemie, olie en die motorbedryf as belangrikste ekonomiese sektore. Die toerismesektor is eweneens hoogs ontwikkel. Naas Moskou en [[Sint Petersburg]] is Kazan een van die meesbesoekte stede in Rusland, ook danksy die gewildheid van [[plesierboot]]vaarte op die Wolga.

Toerisme in Kazan het tans nog 'n sterk binnelandse karakter. Intussen bied die Russiese [[lugredery]] [[Aeroflot]] regstreekse vlugte van belangrike Europese metropole en lugspilpunte soos [[Frankfurt am Main]] na Kazan aan. In 2018 het wedstryde van die [[FIFA Sokker-Wêreldbekertoernooi in 2018|Sokkerwêreldbeker]] in Kazan plaasgevind. Die getal besoekers het van 1,7 miljoen in 2015 gestyg tot 2,5 miljoen in 2016.