Vir die radio skryf sy vir baie jare die kleuterprogramme en bied dit dan ook aan, baie keer saam met [[Esmé Euvrard]]. ’n'n Langspeelplaat, “''Rooikappie en ander sprokies''”, word van haar verhale gemaak, voorgelees deur Esmé Euvrard. Hierop verwerk sy die sprokies van “''Die gestewelde kat''”, “''Die goue gans''”, “''Die lelike eendjie''”, “''Rooikappie''”, “''Sneeuwitjie''” en “''Aspoestertjie''”. Sy skryf ook vir die radio talle vervolgverhale en hoorspele, wat ’n hoorspel oor die lewe van [[Emily Hobhouse]] insluit. Verskeie radiodramas word deur haar geregisseer. Haar hoorspel “''Gee mekaar die regterhand''” word opgeneem in die versamelbundel “''Debuut''”, wat versorg is deur Ciska en Francois Marais, en ook in “''Die reënboom en ander eenbedrywe''” onder redaksie van Willem Steenkamp en Jan Spies se “''Klein begin in die drama''”. Dit is ’n amusante stuk wat soos die titel aandui oor die huwelik gaan. Daar is heelwat konflikte, maar die spanning bereik nooit werklik ’n hoogtepunt nie omdat die konflikte so maklik opgelos word.
