Esmé Euvrard: Verskil tussen weergawes
Sobaka (besprekings | bydraes) Begin nuwe artikel, nog besig |
(Geen verskil)
|
Wysiging soos op 17:34, 18 Februarie 2020
Esmé Euvrard (geb. Smithfield, Vrystaat, 19 Mei 1919 - s. Sandton, Gauteng, 11 September 1993) was 'n radio-omroeper, sanger en aktrise.
Esmé Euvrard | |
Geboorte | 19 Mei 1919 Smithfield, Vrystaat |
---|---|
Sterfte | 11 September 1993 Sandton, Gauteng |
Nasionaliteit | Suid-Afrika |
Beroep(e) | Akteur, radio-omroeper en sanger |
Biografie
Radio
Esmé Euvrard was die jongste van vier kinders van Albertus en Anna Euvrard en was in haar tyd een van Suid-Afrika se gewildste radiopersoonlikhede. Sy en Jan Cronjé verskyn saam in die langdurige Afrikaanse reeks Liefdeslied (1953-1959) en bied ook Só Maak Mens aan, 'n program met wenke, resepte en onderhoude vir huishoudings wat van 1957 tot 1985 gestrek het toe Springbok Radio gesluit het. Die program is daarna na Radio Suid-Afrika verskuif. Saam met Paul Desmond het sy Springbok Rendezvous aangebied, 'n program vir die 'seuns op die grens' wat bestaan uit musiekversoeke en boodskappe, asook 'n gewilde Sondagaand-musiekprogram genaamd Esmé se musiekalbum. Tannie Esmé was ook verantwoordelik vir baie Afrikaanse kinderprogramme.
Film
Sy speel klein rolle in vyf films, naamlik Man in die Donker (Truida Pohl / 1962), Majuba: Hill of Doves / Majuba: Heuwel van Duiwe (David Millin / 1968), Vrolike Vrydag die 13de (Richard Daneel / 1969), Stadig oor die Klippe (Richard Daneel / 1969) en Wolhaarstories (Bromley Cawood / 1983). Saam met Dana Niehaus het sy in die televisiereeks Net 'n Bietjie Liefde (Henk Hugo / 1977) opgetree. Sy en Cronjé het ook die sprekende stemme van onderskeidelik Marika Rökk en Paul Hubschmid oorgeklank vir die Afrikaanse weergawe van die Duitse film Maske in Blau (1953). Boonop was sy een van die vertellers van die Afrikaanse weergawe van die dokumentêr Krag vir Suid-Afrika (Denis Scully / 1959).
Musiek
Sy was getroud met die bekende Portugees-gebore flamenco-kitaarspeler Gilberto Bonegio en hulle het albei by die Mercedes Molina Spanish Dance Company aangesluit toe dit in 1958 gestig is. Sy was 'n talentvolle sangeres en sy en Gilberto het ten minste een fado-plaat geproduseer. In 1988 lewer sy 'n plaat van kinderverhale met die titel Diereverhaaltjies op. Gilberto is in 1964 oorlede nadat hy 20 maande in 'n koma was ná 'n motorongeluk en al haar toegewyde aanhangers geïdentifiseer met haar verlies. Hul twee seuns, Raúl en Fernando, het in hul pa se voetspore gevolg en talentvolle flamenco-kunstenaars in eie reg geword.
Bronne
https://www.geni.com/people/Esm%C3%A9-Euvrard/6000000023514887427