Ruslandduitsers: Verskil tussen weergawes

'''Ruslandduitsers''' ([[Duits]]: ''Russlanddeutsche'', [[Russies]]: ''Российские немцы'', [[Transliterasie|wetenskaplike transliterasie]]: ''Rossijskie nemcy'') is 'n sambreelterm vir die etnies Duitse of Duitssprekende minderheid in Rusland - nasate van Duitssprekende setlaars uit Sentraal-Europa wat hulle vanaf die tweede helfte van die 18de eeu in verskillende streke van die [[Russiese Ryk|Russiese Tsareryk]] gevestig het.<ref>{{de}} [https://www.russlanddeutsche.de/de/russlanddeutsche/zur-definition.html ''russlanddeutsche.de: Zur Definition - Wer sind die Russlanddeutschen? Besoek op 19 Desember 2019'']</ref> Tsarin [[Katharina II van Rusland|Katharina die Grote]], wat self 'n boorling van 'n Duitssprekende gebied was, het aan Duitse immigrante talle voorregte gegee.

[[Lêer:Alexey Miller, 2013.jpeg|duimnael|links|upright|Alexei Miller, hoof uitvoerende beampte van die gasonderneming ''Gazprom'', is een van die bekendste Russe van Duitse afkoms]]

Die term Ruslandduitsers, wat etniese, kulturele, taalkundige en godsdienstige homogeniteit insinueer, het eers in die 20ste eeu gebruiklik geword, met 'n politieke agenda as dryfkrag. Histories was Duitse setlaars in Rusland uit verskillende landsdele afkomstig van waar hulle 'n verskeidenheid dialekte saamgebring het - tot 'n mate dat onderlinge kommunikasie haas onmoontlik was. In historiese tekste is hulle volgens hul Duitse oorsprongsgebied, hul dialek en hul geloofsoortuiging beskryf.

 

 

Tans is daar nog sowat 400&nbsp;000 Ruslandduitsers in die [[Russiese Federasie]]. Volgens die laaste beskikbare sensusgegewens uit die jaar 2002 het die aantal etniese Duitsers 597&nbsp;212 beloop, van wie 350&nbsp;000 in Siberië bly.

== Verwysings ==

{{Verwysings}}