Tafelberg: Verskil tussen weergawes

==Geologie==

{{Hoofartikel|Kaapse Plooiberge}}

Die boonste sowat 600&nbsp;m van die 1&nbsp;km hoë plat berg, of [[mesa]], bestaan uit gesteentes uit die [[Ordovisium]] van sowat 450-510&nbsp;miljoen jaar gelede. Dié gesteentes beslaan die boonste twee lae van die [[Kaapse Plooiberge]], waarvan Tafelberg deel is.<ref name=compton /><ref name=McCarthy>{{cite book |last=McCarthy |first=T. |last2=Rubidge |first2=B. |year=2005 |title=The Story of Earth and Life |pages=188–192 |publisher=Struik |location=Cape Town |isbn=1-77007-148-2 }}</ref> Die heel boonste, jongste laag bestaan uit uiters harde [[kwarts]][[sandsteen]], wat die [[Kaapse Plooiberge#Tafelberg-groep|Skiereiland-formasie]], of Tafelbergsandsteen-formasie, genoem word. Dit is uiters erosiebestand en vorm kenmerkende steil grys kranse. Die 70 m daaronder, bekend as die Graafwater-formasie, bestaan uit maroen moddersteen, wat in baie dunner strata afgeset is as die Skiereiland-formasie.<ref name=compton /> Die Graafwater-gesteentes kan die beste gesien word net bo die kontoerpad aan die voorkant van die berg, asook om [[Duiwelspiek]]. Hulle kan ook aan die kante van [[Chapmanspiek-rylaan]] gesien word. Die gesteentes het vermoedelik ontstaan in vlak getyvlaktes waarin ’n paar [[fossiel]]e uit die Ordovisium ontdek is, en fossielspore het behoue gebly.<ref name=compton /><ref name=tankard>{{cite book |last=Tankard |first=A. J. |last2=Jackson |first2=M. P. A. |last3=Eriksson |first3=K. A. |last4=Hobday |first4=D. K. |last5=Hunter |first5=D. R. |last6=Minter |first6=W. E. L. |year=1982 |title=Crustal Evolution of Southern Africa. 3.8 Billion Years of Earth' History |pages=338–344 |publisher=Springer |location=New York |isbn=0-387-90608-8 }}</ref> Die Graafwater-gesteentes lê op ’n basis van [[Kaapse Graniet]]. Duiwelspiek, [[Vlaeberg]], die stadskom en ’n groot deel van die [[Kaapse Vlakte]] lê egter op geplooide en veranderde [[filiet]]e en [[horingsteen]], informeel bekend as Malmesbury-skalie. Die Kaapse Graniet en Malmesbury-skalie vorm die laer, sagter hange van die Tafelbergreeks op die [[Kaapse Skiereiland]]. Hulle kom uit die laat [[Prekambrium]], wat minstens 40&nbsp;miljoen jaar ouer as die Graafwater-gesteentes is.<ref name=compton />