Die oorsprong van sy skrywersnaam is onbekend, maar [[D'Arbez|D’Arbez]] vertel van 'n historiese gebeurtenis in sy roman ''Mooi Annie of Skipbreukelinge'', wat moontlik lig hierop werp. Tydens die oorlog tussen [[Engeland]] en [[Holland]] in [[1781]] soek vyf [[Verenigde Oos-Indiese Kompanjie|Oos-Indiese]] matroseskepe in [[Saldanhabaai]] skuiling teen die vyand. Hulle opdrag is om eerder die skepe aan die brand te steek as om dit in Engelse hande te laat val, maar nie een van die skepe het hoogs ontvlambare materiaal aan boord nie. Die stuurman van Middelburg, ene Abraham de Smidt en voorvader van die Kaapse familie met hierdie naam, prakseer toe 'n plan om letterlik kruit te vervaardig uit swael, teer, dun plankies en ou droë stukke seil.<ref>Kannemeyer, J.C. ''Die Afrikaanse literatuur 1652–2004''. Human & Rousseau. Kaapstad en Pretoria. Eerste uitgawe, 2005</ref> So is hierdie voorvader letterlik 'n kruitmaker wie se heldedaad bekendheid verwerf het.<ref>Kannemeyer, J.C. ''Geskiedenis van die Afrikaanse literatuur 1''. Academica, Pretoria en Kaapstad Tweede druk 1984</ref>
=== Loopbaan in die Kaapse Koloniale Staatsdiens ===
