Curiosity-verkenningstuig: Verskil tussen weergawes

[[Lêer:Curiosity seen from Space.jpg|duimnael|Curiosity afgeneem deur die Hoë-resolusiebeeld-wetenskapprojekk van die [[Mars-verkenningstuig]] toe dit oorhoofs gevlieg het. Die kleure is aangepas deur Nasa. Curiosity is die blou kol in die middel van die groter blou vlek, wat die resultaat is van die hyskraanvuurpyl.]]

Volgens [[Nasa]] het die Curiosity-verkenningstuig 'n bykans perfekte landing uitgevoer. Hulle analise van die data wat die verkenningstuig teruggestuur het aangaande die landing dui aan dat die binnekoms in [[Mars]] se [[atmosfeer]], daling en landing baie naby aan, of presies op die berekende tye plaasgevind het. Die tuig het net 2,4 kilometer van sy beplande landingsgebied tot stilstand gekom. Dit het slegs 7 minute en twaalf sekondes geduur vandat die tuig die boonste deel van Mars se atmosfeer getref het, totdat dit finaal tot stilstand gekom het op die oppervlak. Nasa het bereken dat dit 7 minute sou duur, 'n tydperk waarna hulle as ''sewe minute van angs'' ("seven minutes of terror") verwys het.

Curiosity se pantserkapsule het Mars se atmosfeer teen 'n spoed van [[Mach-getal|Mach]] 24 (24 keer die [[spoed van klank]]) bereik, en het binne drie en 'n half minute gerem tot Mach 2 ten einde sy [[supersoniese valskerm]] oop te maak. Die meeste energie van die spoed is as wrywing deur die atmosfeer geabsorbeer. Die [[Mars-verkenningstuig]], wat om die planeet wentel, het 'n foto geneem van die tuig met die ontplooide valskerm terwyl dit na die oppervlak neerdaal.<ref>[http://mars.jpl.nasa.gov/msl/multimedia/images/?ImageID=4242 Curiosity Spotted on Parachute by Orbiter] Mars Science Laboratory: Images</ref>

In die laaste fase van die landing, is die tuig uit sy kapsule gelaat en het met behulp van 'n vuurpylaangedrewe hyskraan afgesak tot op die oppervlak. Blaasmerke van die vuurpyle kan op 'n foto, wat deur die tuig geneem is, gesien word.<ref>[http://mars.jpl.nasa.gov/msl/multimedia/images/?ImageID=4401 Traces of Landing] Mars Science Laboratory: Images</ref> Nadat die tuig geland het, het die hyskraan weer opgestyg en 40 sekondes later op 'n veilige afstand van 600 meter neergestort. Foto's wat deur Curiosity geneem is, toon die oomblik van impak toe die hyskraan neergestort het, aangesien een foto 'n stofwolk wys terwyl 'n ander foto wat 45 minute later van dieselfde gebied geneem is niks wys nie.

Nasa reken daar is twee redes hoekom Curiosity 2,4 kilometer van sy beplande landingsgebied geval het. Die een is weens 'n regstelling in die rigting van die daling aan die einde van die tuig se reis na Mars, en die ander is weens sterk winde van agter. Nasa reken egter hulle kan in die toekoms selfs meer akkurate landings uitvoer.<ref>[http://www.bbc.co.uk/news/science-environment-19219782 Curiosity rover made near-perfect landing] BBC 12 Augustus 2012</ref>