Liverpool: Verskil tussen weergawes

Content deleted Content added
하뫂퍼오ㅠ어ㅓㅠㅠ녀
Etikette: Selfoonbydrae Wysiging op selfoonwerf
Lyn 97:
Hoër geleë stadsdele in die ooste bied 'n uitsig wat honderde kilometer ver strek - oor die hele stad en omringende streke, die ope see en die [[Wallis|Noord-Walliese]] berggebiede in die suide. Die landskap van Liverpool is deur die eeue heen deur menslike bedrywighede ingrypend verander. So het die lang reeks skeepsdokke langs die Merseyrivier hul ontstaan aan grootskaalse landaanwinningsprogramme te danke, terwyl die oorspronklike natuurlike hawebekken, wat as ''Pool'' bekendgestaan gestaan het, lankal verdwyn nadat dit met sand en klip ingevul en bebou is.
 
[[Sandsteen]] as die belangrikste boumateriaal is vanaf die 18de tot in die vroeë 19de eeu deur groewe naby die middestad voorsien waar dit net onder die aardoppervlak lê en maklik ontgin kan word. Die spoorweglyn na Liverpool se Lime Street-hoofstasie is deur soliede sandsteenrots gesny.<ref>Sharples (2004), bl. 3</ref> Later is stene as boumateriaal vir openbare bouprojekte uit Storeton op die Wirral-skiereiland, Runcorn en Woolton ingevoer, later ook uit verder afgeleë gebiede. Maar reeds vanaf die 18de eeu is sandsteen gaandeweg deur bakstene vervang.
 
In teenstelling met ander vergelykbare stede in [[Noord-Engeland]] en [[Skotland]] - soos [[Newcastle upon Tyne|Newcastle]], [[Manchester]] en [[Glasgow]] - het min van Liverpool se Middeleeuse boukuns bewaar gebly. So dateer die meeste geboue uit die 18de eeu of later periodes. Gedurende Liverpool se ekonomiese bloeitydperk, wat twee eeue lank voortgeduur het, is min aandag geskenk aan historiese boukuns en moes baie geboue plek maak vir nuwe projekte. Selfs in Liverpool se middestad word, behalwe vir een uitsondering, geen gebou uit die tydperk voor die middel van die 18de eeu meer aangetref nie. Ondanks ambisieuse stedelike herontwikkelingsprogramme in die tweede helfte van die 20ste eeu word Liverpool se huidige stadsbeeld deur laat Georgiaanse, [[Victoriaanse tydperk|Victoriaanse]] en Edwardiaanse argitektuur oorheers.
 
[[Unesco]] het die geskiedkundige deel van die hawestad saam met die toeristetrekpleister Albert Dock in 2004 as [[wêrelderfenisgebied]] gelys. Liverpool het veral bekendheid verwerf deur sy sokkerklubs FC Everton en FC Liverpool en sy polsende musieklewe. 'n Plaaslike musiekgroep, die ''[[Beatles]]'', het in die 1960's kunstenaars van wêreldfaam geword. In 2008 het Liverpool saam met die [[Noorweë|Noorse]] stad [[Stavanger]] ook as kulturele hoofstad van Europa gefungeer.
 
Die inwoners van Liverpool, wat in Engels amptelik ''Liverpudlians'' genoem word, staan daarnaas ook as ''Scousers'' bekend - 'n verwysing na die plaaslike Engelse dialek, ''Scouse''.
 
== Vervoer ==