Die '''Akademie vir Dramakuns''' (afgekort: ''ADK'') is 'n akademie wat spraak-en-drama-opleiding biedaanbied en diplomas aan suksesvolle studente toeken. Dit is 'n invloedryke organisasie wat verskeie [[Afrikaanse]] [[akteur]]s opgelewer het.<ref name="ESAT">[http://esat.sun.ac.za/index.php/Akademie_vir_Dramakuns ESAT], besoek op 27 Desember 2015</ref> Bekende [[Suid-Afrika]]anse akteurs, soos [[Deon Lotz]], [[Wilna Snyman]], [[Milla Louw]], [[Annie Basson]], [[Kristie Herbst]], [[David Rees]], [[Sara Louw]] het hulle opleiding aan die akademie ontvang.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>
== Geskiedenis ==
Die akademie is in 1939, onder die naam ''Die Kunsskool'', in [[Stellenbosch]] gestig. Die stigterslede was [[Anna Richter-Visser]] (bekende TV- en rolprentakteur, wat in onder meer in [[Agter Elke Man]] gespeel het) en [[Aletta Gericke]]. In 1940 neem [[Suzanne van Wyk]] ('n toonaangewende regisseur van radiodramas) by Visser oor en word die organisasie na sy huidige naam hernoem.
In die 1940's het hulle na [[Kaapstad]], [[Paarl]] en [[Wellington]] uitgebrei. Ateljees in later ook in [[Johannesburg]] en [[Pretoria]] geopen. In 1944 het prof. J.P.J. van Rensburg ''Die vroue van Troje'' uit [[Grieks]] in Afrikaans vertaal en is 'n Griekse drama die eerste keer in Afrikaans opgevoer.
