Mosfilm: Verskil tussen weergawes

'''Mosfilm''' ([[Russies]]: Мосфильм, [məsˈfʲɨlʲm]) is die oudste en grootste rolprentmaatskappy in die [[Russiese Federasie]] en word ook as die grootste rolspeler in die [[Europa|Europese]] rolprentbedryf beskou. Sy hoofkwartier in die Westelike Administratiewe Distrik van [[Moskou]], vlakby die [[Mossiesheuwels]], met 'n totale oppervlakte van 14&nbsp;000&nbsp;m² huisves dertien rolprentateljees wat onder die modernstes in Europa gereken word.<ref>[https://programm.ard.de/TV/arte/mosfilm---russlands-legend-re-traumfabrik/eid_287247122871417 ''Programm.ARD.de: Mosfilm - Russlands legendäre Traumfabrik. Besoek op 13 Junie 2018'']</ref> Hier word steeds sowat tagtig persent van alle Russiese rolprente vir die silwerdoek en televisiekanale asook televisie-advertensies en videosnitte van Russiese popsterre vervaardig.<ref>[http://www.orf.at/stories/2056705/2056515/ ''www.orf.at, 6 Mei 2011: „Du mutiger Kosake!“ Besoek op 13 Junie 2018'']</ref> Vir belangstellende besoekers word besigtigingstoere aangebied. 'n Klein hotel, die ''Mosfilm Hotel'', is op die ateljeeterrein geleë en staan eweneens oop vir die publiek.