Muscovy Company: Verskil tussen weergawes

</div>

[[Lêer:StAndyThis2.JPG|duimnael|links|220px|Beeldhouwerk aan die buitefasade van St Andrew's in Moskou versinnebeeld die verbintenis met die [[Britse Eilande]]. Hierdie engel dra 'n distel, die simbool vir [[Skotland]]. Drie ander engels hou 'n [[roos]], 'n [[Klawers|klawer]] en 'n [[prei]] as simbole vir [[Engeland]], [[Ierland]] en [[Wallis]]. Die kerkgebou, wat in 1884 opgerig is en - nadat dit ná die Oktoberrewolusie van 1917 gesluit is - onder meer as musiekateljee gedien het, is ter geleentheid van 'n amptelike besoek van [[Elizabeth II van die Verenigde Koninkryk|Haar Majesteit Koningin Elizabeth II]] in 1994 aan die Anglikaanse gemeente teruggegee en tans in besit van die [[Kerk van Engeland]]]]

Die '''''Muscovy Company''''' (ook bekend as '''''Muscovy Trading Company''''' Russies: Московская компания, [[transkripsie]]: Moskovskaya kompaniya) was 'n [[Engeland|Engelse]] handelskompanjie wat in 1555 volgens 'n ''royal charter'' (koninklike oktrooi) geïnkorporeer is. Die ''Muscovy Company'', wat sy naam teen die einde van die 17de eeu amptelik gewysig het na '''''Russia Company''''', was die eerste groot internasionale handelsonderneming wat sy bedrywighede deur die uitreiking van aandele gefinansieer het. Kapitaal, wat deur beleggers aan so 'n handelsonderneming voorsien is, was 'n medium- of langtermynbelegging wat nie onmiddelik na elke handelsreis weer uitbetaal is nie. Hierdie nuwe besigheidsmodel sou as voorbeeld dien vir 'n hele reeks soortgelyke ondernemings.

 

 

== Historiese en politieke agtergrond ==

Die eerste dinastiese bande tussen Engeland en [[Kiëf-Roes]] is in die laat 11de eeu gesmee met die huwelik tussen Wladimir II Monomach (1053−1125), grootprins van Kiëf (Kyiv) tussen 1113 en 1125, en prinses Gytha van Wessex (1053−1098), die dogter van koning Harold en Ealdgȳð Swannesha (alhoewel onsekerheid oor hierdie huwelik bestaan weens die gebrek aan bronne uit dié tyd - alle beskrywings dateer uit latere periodes). Die Engelse historikus William Fitzstephen se laat 12de eeuse beskrywing van handelsaktiwiteite in die ''[[City of London]]'' verwys na ''Russ'', handelaars en middelmanne uit Kiëf-Roes, wat handel gedryf het met eekhoring- en hermelynvelle.<ref>''Britannia & Muscovy: English Silver at the Court of the Tsars''. New Haven, CT: Yale University Press 2006, bl. 6</ref>