Vlag van Palestina

Die Palestynse vlag is op 28 Mei 1964 deur die Palestynse Bevrydingsorganisasie in gebruik geneem en op 15 November 1988 deur die Staat Palestina. Die vlag vertoon drie horisontale bane in swart, wit en groen met ’n rooi gelyksydige driehoek aan die vlagpaalkant.

Vlag van Palestina

Vlag van Palestina
Gebruik	Nasionale vlag en vaandel
Verhouding	1:2
Goedgekeur	28 Mei 1964 (PBO) 15 November 1988 (Staat Palestina)
Ontwerp	Drie horisontale bane in swart, wit en groen met ’n rooi driehoek aan die vlagpaalkant.

Geskiedenis

Die vlag is byna identies aan dié van die Hasjemiete Koninkryk Hidjaz wat die westelike gedeelte van die Arabiese Skiereiland uitmaak, die Arabiese Sosialistiese Ba’ath-party (albei gebruik ’n vlagverhouding van 2:3 teenoor die 1:2 van die Palestynse vlag) asook die kortstondige Arabiese Federasie van Irak en Jordanië (wat elk ’n gelyksydige driehoek aan die vlagpaalkant gebruik het)

Die vlag wat in die eerste helfte van die 20ste eeu deur die Arabiese Palestyne gebruik is, is die vlag van die Arabiese Opstand van 1916. Die oorsprong van die vlag is onduidelik. ’n Weergawe wil dit hê dat die kleure in 1909 deur die Arabiese nasionalistiese ‘Literêre Klub’ in Istanboel gekies is na aanleiding van die woorde van die 13de-eeuse Arabiese digter Safi al-Din al-Hili:

Vra die hoogreikende lanse na ons aspirasies
Bring die swaard aan getuies, het ons hoop verloor
Ons is ’n groep, eer halt ons siele
Van oorsprong met leed, dié wat ons nie leed aandoen nie
Wit is ons dade, swart is ons gevegte
Groen is ons velde, rooi is ons swaarde

’n Ander weergawe meen weer dit is te danke aan die Jong Arabiere-genootskap wat in 1911 in PArys gestig is. Nóg ’n weergawe lui dat die vlag deur sir Mark Sykes van die Britse Ministerie vir Buitelandse Sake ontwerp is. Wat die regte weergawe ook al mag wees, die vlag is ten minste teen 1917 deur Sharif Hussein gebruik en dit het vinnig bekendheid begin verwerf as die vlag van die Arabiese nasionale beweging in die Masjriek.

Op 18 Oktober 1948 is die vlag van die Arabiese Opstand aangeneem. ’n Gewysigde weergawe (wat die volgorde van die horisontale bane verander het) is amptelik in 1964 deur die ]]Palestynse Bevrydingsorganisasie]] as die vlag van die Palestynse volk aanvaar. Op 15 November 1988 het die PBO die vlag ook as die vlag van die Staat Palestina aanvaar.

Op voetsoolvlak is die vlag sedert die Oslo-akkoord, met die stigting van die Palestynse Owerheid in 1993, wydverspreid gebruik met die. Die vlag word vandag dikwels deur Palestyne en hul ondersteuners vertoon.

• 
  Vlag van Palestina, 1924
• 
  Vaandel van die Palestynse Mandaatgebied, 1927 tot 1948
• 
  Vlag wat gebruik is gedurende die Arabiese Opstand, 1936-1939
• 
  Vlag wat deur die Arabiese Liga gebruik is vir Palsetina, 1945 tot ±1955
• 
  Vlag wat deur die Palestynse Regering gebruik is, soortgelyk aan die vlag van die Arabiese Opstand
• 
  Weergawe met ’n kleiner driehoek wat tot die 1980’s deur die PBO gebruik is

Ander vlae

• 
  Presidensiële standaard van Palestina

Soortgelyke vlae

Die vlae van Jordanië en Wes-Sahara is ook deur die Arabiese Opstand (1916-1918) teen Ottomaanse oorheersing geïnspireer. Die vlag van die Arabiese opstand het dieselfde grafiese vorm gehad maar die kleure is anders gerangskik.

• 
  Vlag van Jordanië
• 
  Vlag van Wes-Sahara
• 
  Vlag van die Arabiese Opstand

Verbanning

Onmiddellik na die Sesdaagse Oorlog in 1967 het die Israelse Staat die Palestynse vlag in die besette Gasastrook en Wesoewer verbied. In 1980 het ’n wet kunswerke van “politieke noemenswaardigheid” waarin die vier kleure gebruik is, verbied en Palestyne is gearresteer indien hulle sulke kunswerke sou vertoon.

Die verbanning is sedert die ondertekening van die Oslo-akkoorde in 1993 opgehef.

Eksterne skakels

• Wikimedia Commons het meer media in die kategorie Vlae van Palestina.
• (en) Palestina by Flags of the World.

Hierdie artikel is in sy geheel of gedeeltelik vanuit die Engelse Wikipedia vertaal.