Wysiging soos op 01:55, 26 Maart 2020 wysig Voyageur (besprekings \| bydraes) 117 852 edits k →‎Italiaanse immigrasie Etiket: 2017-bronwysiging ← Ouer wysiging		Wysiging soos op 01:56, 26 Maart 2020 wysig maak ongedaan Voyageur (besprekings \| bydraes) 117 852 edits kNo edit summary Etiket: 2017-bronwysiging Nuwer wysiging →
Lyn 82: Gemeenskappe van Pueblo-Indiane, wat die stapelkos van die Amerikaanse Suidweste - [[mielie]], bone en pampoene - verbou het, was die eerste bewoners van die Rio Grande-vallei. Omstreeks 1500 is die eerste koloniale Spaanse nedersettings naby Santa Fe gevestig. Die Villa de Albuquerque is in 1706 deur Spaanse setlaars as 'n landboukolonie in die Rio Grande-vallei gestig. Die wonings van hierdie vroeë inwoners het rondom 'n sentrale plein, die Plaza, ontstaan wat vandag die middelpunt van Albuquerque se toeristebuurt vorm. Elke huishouding het landbougrond langs besproeiingskanale bewerk waar groentes, insluitende tradisionele gewasse soos mielie en bone, meloene en druiwe verbou is. Teen die middel van die 19de eeu het die Spaanse koloniale gemeenskap in aanraking met die eerste Anglo-Amerikaanse handelaars, setlaars en militêre eenhede gekom. Die aankoms van die Santa Fe-spoorlyn in 1881 het ekonomiese groei bevorder, en ~~Albiquerque~~Albuquerque se middestad is grootliks uitgebrei met die bou van kroeë, restaurante, bakkerye en stoorhuise vir goedere langs die spoorlyn. Die stad se groeiende klein- en groothandelbedryf het landelike gemeenskappe in heel Nieu-Meksiko bedien. Dit was veral [[Italië\|Italiaanse]] immigrante wat ondernemings in hierdie bedrywe gevestig en Italiaanse verwerkte, geblikte en gedroogde kosse, insluitende [[pasta]], saamgebring het. Die bekende hotel- en restauranteienaar Fred Harvey (1835−1901) het toerismebedrywighede in die Amerikaanse Suidweste 'n groot hupstoot gegee met die vestiging van sy Harvey House-ketting van hotelle, restaurante en aandenkingwinkels langs die groot spoorlyne van die Amerikaanse Weste. In 1902 het die mees elegante van sy spoorweghotelle, die ''Alvarado'', genoem na die 16de eeuse Spaanse ''conquistador'' en luitenant Hernando de Alvarado, sy deure vlakby Albuquerque se treindepot geopen. Die hotel, wat 'n belangrike rol in Albuquerque se politieke en kulturele lewe sou speel, het uiteindelik 'n slagoffer van stedelike hernuwing geword. In 1970 het die destydse eienaar, die Santa Fe-spoorwegmaatskappy, besluit om die historiese gebou af te breek. Die ''Alvarado'' moes plek maak vir 'n parkeerterrein.<ref>[https://www.santafenewmexican.com/news/trail_dust/trail-dust-once-grand-alvarado-hotel-now-a-fading-memory/article_cc3c2b3a-6b1a-594a-8c7e-b9fb69120f76.html ''Santa Fe New Mexican, 26 September 2014: Trail Dust: Once grand Alvarado Hotel now a fading memory. Besoek op 25 Maart 2020'']</ref>

Albuquerque, Nieu-Meksiko: Verskil tussen weergawes