Verskil tussen weergawes van "Verdrag van Portsmouth"

k
geen wysigingsopsomming nie
k
Etiket: 2017-bronwysiging
k
Etiket: 2017-bronwysiging
Met die '''Verdrag van Portsmouth''', wat op [[5 September]] [[1905]] op die Amerikaanse Vlootwerf Portsmouth in Kittery in die deelstaat [[Maine]] onderteken is, is die Russies-Japannese Oorlog van 1904−1905 formeel beëindig. Onderhandelinge tussen die [[Rusland|Russiese Tsareryk]] en die [[Japan|Keiserryk Japan]] het tussen 6 en 30 Augustus plaasgevind waarby die Amerikaanse president [[Theodore Roosevelt]] as bemiddelaar opgetree het. Vir sy suksesvolle bemiddeling is die [[Nobelprys vir Vrede]] van 1906 aan Roosevelt toegeken. Hy was die eerste Amerikaanse president wat die prys ontvang het.
 
Die oorlog was die eerste militêre konflik waarin 'n Europese moondheid 'n verpletterende neerlaag teen 'n vreemde land gely het. Nogtans was ook Japan ná die oorlog uitgeput genoeg om die vredesvoorwaardes te aanvaar. Rusland het [[Mantsjoerye]] ontruim, terwyl die skiereiland Liaotoeng met die seehawe Port Arthur en die suidelike helfte van [[Sachalin]] onder Japannese bewind gekom het. Japan was in die volgende dekades op politieke gebied geïsoleer. Die oorwinning oor Rusland het 'n sekere rol gespeel in die besluit om die Amerikaanse vlootbasis [[Pearl Harbor]] in 1941 aan te val. Japannese militariste en militêre strateë het blykbaar die verwagting gekoester dat die Verenigde State maklik oorrompel en verslaan sou kon word.