Alaska: Verskil tussen weergawes

== Demografie ==

=== Russiese invloede ===

[[Lêer:Eklutna Village - Cemetery 05.jpg|duimnael|Die begraafplaas vlakby die Russies-Ortodokse St Nikolaaskerk in Eklutna Village weerspieël besondere plaaslike begrafnisrituele. So word geglo dat die siel van 'n oorledene 'n kort tyd lank 'n huisie by sy graf gaan bewoon. Mettertyd begin die kunsvolle houthuisies verweer]]

Al het die Russiese Tsareryk die gebied oor 'n langer tydperk geadministreer en sy rykdomme ontgin, het Russiese setlaars hulle nie in groot getalle in Alaska gevestig nie. Die gebied is as ongeskik geag vir nedersetting deur Europeërs. Russiese koloniste het die binneland van Alaska nouliks binnegedring, en nedersettings het net in kusgebiede ontstaan. Ook was Russiese koloniste in bloedige konflikte met inheemse bevolkings gewikkel. Die verspreiding van die Christelike Russies-Ortodokse geloof is nogtans as instrumenteel beskou vir Rusland se koloniale ambisies. Die Russiese regering het Alaska aan die Verenigde State onder die voorwaarde verkoop dat die Russies-Ortodokse Kerk en sy gemeentes beskerming moet geniet.