Malebo-poel: Verskil tussen weergawes
AFM (besprekings | bydraes) Nuwe bladsy geskep met 'Die '''Malebo-poel''' (tot 1972 bekend as die '''Stanley-poel''') is ‘n groot meer met ‘n hawe in die Kongorivier. ==Ligging== Op die noordwestelike oewer van di...' |
(Geen verskil)
|
Wysiging soos op 10:09, 28 Maart 2020
Die Malebo-poel (tot 1972 bekend as die Stanley-poel) is ‘n groot meer met ‘n hawe in die Kongorivier.
Ligging
Op die noordwestelike oewer van die meer lê Brazzaville en op die suidwestelike oewer Kinshasa. Die meer is nagenoeg 400km² groot, het ‘n maksimum diepte van 16m, lê 274m bo seevlak en is 560km van die rivier se mond. In die meer lê die Ile M’Bamou (Mbamu, Mbamou) van 180km².
Bevaarbaarheid
Die Kongoriver is uit die binneland van Afrika vanaf hawens by Mbandaka, Kisangani en Bangui tot by die Malebo-poel bevaarbaar. Stroomversnellings bekend as die Livingstone-watervalle deur die Kristalberge (Monts de Cristal, ‘n reeks laeheuwels wat strek van Ekwatoriaal-Guinee tot Angola en ewewydig aan die Atlantiese Oseaan) verhoed verdere skeepvaart na die see. By die Malebo-poel word goedere oorgelaai op die Matadi-Kinshasa-trein (gebou in 1890-1898) en verder vervoer na die rivierhawens Matadi, Boma en Banana.
Naam
Die Stanleypoel is vernoem na Henry Morton Stanley.
Trivia
Brazzaville en Kinshasa is blykbaar van alle hoofstede in die wêreld die wat die naaste aanmekaar lê.
Bibliografie
- Ensiklopedie van die Wêreld, deel 9. Stellenbosch: Albertyn, 1992. ISBN 0-949948-23-3
- Green, Lawrence G.: Old Africa Untamed. Kaapstad: Howard Timmins,1974. ISBN 0-86978-080-8
- Green, Lawrence G.: Under a sky like flame. Kaapstad: Howard Timmins, 1954.