Thijs Nel: Verskil tussen weergawes

'''Thijs Nel''' (1943 - [[27 Maart]] [[2020]]) was ’n [[kunstenaar]], [[dramaturg]] en [[skrywer]].

'''Mathijs Isak Nel''' iswas ’n bekende kunstenaar, pottebakker, skrywer, [[dramaturg]], [[digter]] en [[filosoof]]. Hy is op 8 Junie 1943 op die plaas Waterkloof in die Waterberg naby [[Ellisras]] gebore en word groot in Noordwes-Transvaal. Hy matrikuleer aan die Hoër Landbouskool Merensky op [[Tzaneen]], waarna hy sy jaar militêre diensplig voltooi en dan kuns studeer aan die Universiteit van die Witwatersrand. Hy behaal ’n [[B.A.-graad]] in die Skone Kunste. Vanaf 1965 tot 1970 is hy kunsredakteur van ''[[Die Vaderland]]''. Tussen 1970 en 1975 woon, werk en studeer hy in [[Parys]] in [[Frankryk]], eers vir twee jaar by die Cité International des Arts, waar hy muurskilderye voltooi by Bois d’Arcy en Neuilly-sur-Marne en litografie bestudeer in die ateljees van Henri Deprest en Jean-Paul Pons. Daarna deel hy ’n studio met opera-direkteur en ontwerper Jean-Yves Taverniér, waar hy waardevolle ondervinding opdoen met die gebruik van lig-effekte. By sy terugkeer na Suid-Afrika vestig hy hom in Ferndale in [[Randburg]], waar hy sy eie ateljee het en meer as veertig kunsuitstallings daar asook elders hou, soos by die [[Randse Afrikaanse Universiteit]], ander plekke in Suid-Afrika en in Frankryk, [[Botswana]] en [[Zimbabwe]]. Sy bekoring met die antieke skoonheid van die subkontinent veroorsaak dat hy [[Indië]] ’n hele paar keer besoek.