Handewas

Handewas, wat ook verwys na handhigiëne, is die oefening om 'n mens se hande skoon te maak met die doel om grond, vet, mikro-organismes of ander ongewenste stowwe te verwyder.

Handewas met seep op sekere kritieke oomblikke gedurende die dag kan voorkom dat baie siektes versprei word, byvoorbeeld diarree en cholera, wat via fekale-orale kontak oorgedra word. Mense kan ook besmet raak met asemhalingsiektes soos griep of verkoue, byvoorbeeld as hulle nie hul hande was voordat hulle hul oë, neus of mond raak nie (maw slymvliese).

Mediese handhigiëne verwys na higiënepraktyke wat met mediese prosedures verband hou. Handewas voordat medisyne of mediese behandeling toegedien word, kan die verspreiding van siektes voorkom of verminder. Die doel van die was van hande is die versprei van patogene (bakterieë, virusse of ander mikro-organismes wat siektes kan veroorsaak) te keer en chemikalieë wat skade of siektes kan veroorsaak af te was. Dit is veral belangrik vir mense wat kos hanteer of op mediese gebied werk, maar ook 'n belangrike praktyk vir die algemene publiek.

Gesondheidsvoordele

Handewas hou baie gesondheid voordele in, insluitend die verspreiding van griep, koronavirus en ander infeksies; die aansteeklike oorsake van diarree te voorkom; verminder asemhalingsinfeksies; en die vermindering van die baba-sterftesyfer. 'n 2013-studie het getoon dat verbeterde handewaspraktyke tot klein verbeterings in die groei van kinders onder vyf jaar kan lei. In ontwikkelende lande kan kindersterftesyfers wat verband hou met asemhalings- en diarree-siektes verminder word deur eenvoudige gedragsveranderinge in te voer, soos handewas met seep. Hierdie eenvoudige aksie kan die sterftesyfer van hierdie siektes met byna 50% verlaag. Ingrypings wat handewas bevorder, kan diarree-episodes met ongeveer 'n derde verminder, en dit kan vergelyk word met skoon water in lae-inkomstegebiede. 48% van die afname in diarree-episodes kan geassosieer word met handewas met seep.