Maginotlinie: Verskil tussen weergawes

=== Ander werke ===

Meer as 400 tussen-skuilings, infanterieskuilings en waarnemingsposte is tussen die vestings gebou. Kilometers van doringdraad en anti-tenk versperrings wat deur soldate in die skuilings bewaak is, het tussen die forte geloop. Voor die hooflyn, naby die grens, was 'n lyn van buiteposte. Soldate het hier op of langs klein skuilings gewoon. In die geval van 'n onverwagte aanval, moes hulle die hooflyn alarm maak en die aanval soveel moontlik ophou deur allerlei struikelblokke te skep. Agter die hooflyn was talle ammunisie- en toerustingwerkswinkels, sowel as kasernes waar die soldate in vredestyd gewoon het, en beton-transformatorskuilings vir die kragvoorsiening. Alles is verbind deur 'n netwerk van militêre paaie en 600mm smalspoorweë. Daarbenewens was 'n moderne telefoonnetwerk en [[morsekode]]senders beskikbaar.