Abruzze: Verskil tussen weergawes

'''Abruzze''' (Italiaans: '''Abruzzo''') is 'n administratiewe streek in Sentraal-[[Italië]], oos van [[Rome]] langs die [[Adriatiese See]]kus geleë met [[L'Aquila]] as sy hoofstad. Abruzze grens in die noorde aan [[Marke]], in die weste en suidweste aan [[Latium]] en in die weste aan die [[Adriatiese See]]. Die streek beslaan 13 595 km² en het ongeveer 6 miljoen inwoners in 2004 gehad.

[[Lêer:Corno grande e Pietracamela, Gran Sasso, Province of Teramo, Abruzzo, Italy - panoramio.jpg|duimnael|links|Die bergdorpie Pietracamela is teen die uitlopers van die hoogste piek Corno Grande in die Nasionale Gran Sasso en Monti della Laga-park geleë. Die nedersetting is lid van die vereniging ''I borghi più belli d’Italia'' waarin die mooiste historiese dorpe in Italië saamgesluit het]]

Dikwels word na Abruzze verwys as die "wilde hart van Italië", gegewe die majestueuse, ontoeganklike bergmassiewe en digte bosse wat grotendeels nog nie deur massatoerisme geraak word nie en 'n habitat vir bedreigde dierspesies soos bere en wolwe is. Wilde diere was in die verlede ook een van die hoofredes hoekom mense die berglandskappe en bosse liefs vermy het. Die streek se tweede bynaam, "die groen hart van Italië", sinspeel op die feit dat 'n derde van die streek se natuurruimtes beskerming geniet as nasionale parke of natuurparke. Met drie nasionale parke en die streekspark Sirente-Velino word Abruzze deur die hoogste digtheid natuurparke in heel Italië gekenmerk.

 

 

Nie alle gebiede in Abruzze is meer of min ontoeganklik nie. Inderdaad is een van die opvallendste kenmerke van die streek die snelle afwisseling van landskapsvorme. 'n Motorrit van minder as twee uur oor 'n afstand van rofweg 50 kilometer neem 'n mens van die alpynse Gran Sasso-bergwêreld na uitgestrekte heuwellande en die Adriakus met sy breë sandstrande (waarvan baie blouvlagstatus het).

== Provinsies ==

Die streek word in vyf provinsies opgedeel: