Bloukransmoorde: Verskil tussen weergawes

[[Lêer:Bloukransplakket.JPG|duimnael|200px|Die plakket op die monument wat die gebeure van daardie dag uitbeeld (''Let op die vandalisme'').]]

 

 

Na die lokval-moord op [[Piet Retief]] en 70 ander Voortrekkers op 6 Februarie 1838 deur die Zoeloekoning [[Dingaan]], het Dingaan sy magte opdrag gegee om die laers van die ander Voortrekkers te gaan aanval en uit te wis. Die Voortrekkers was onbewus van die moord op Retief, dog Maritz het onrustig geraak en die groepe op 'n Zoeloe-aanval probeer voorberei. Die Voortrekkers was in klein groepies langs die [[Tugelarivier]] en sy sytakke in ‘n ry van omtrent 24 myl gegroepeer. Hoewel Piet Retief voor sy vertrek, en ook die Trekkerleier [[Gerrit Maritz]], ter wille van veiligheid, die Trekkers gemaan het om in groot laers te bly, was daar praktiese redes waarom baie Trekkers nie aan die oproep gehoor gegee het nie. Die saamleef van 'n groot groep mense in ‘n laer was moeilik – veral met betrekking tot sanitasie, die tekort aan brandhout en ‘n tekort aan weiveld vir troppe tot so groot as 25 000 stuks vee.