Russian River (Kalifornië): Verskil tussen weergawes

Content deleted Content added
k Artikel is wees.
Voyageur (besprekings | bydraes)
Etiket: 2017-bronwysiging
Lyn 9:
 
== Geskiedenis ==
Die Russian River-gebied het 'n lang geskiedenis wat met belangrike historiese gebeure in Kalifornië verbind word. Die riviergebied is oorspronklik deur Kashaya- en Pomo-Indiane bewoon. Dit was nogtans Russiese ontdekkingsreisigers aan wie die rivier sy naam te danke het. In die vroeë 19de eeu is die rivier en sy omgewing deur Iwan Aleksandrowitsj Koeskof in opdrag van die Russies-Amerikaanse Kompanjie verken. Koeskof het destyds die Russiese koloniale nedersetting Fort Ross net noordwes van die riviermonding gestig en sy eerste administrateur geword. Fort Ross is deur die Russies-Amerikaanse Kompanjie net soos Kaapstad as 'n permanente verversingstasie beplan wat setlaars in Russies-Alaska van vars groente sou voorsien nadat sommige van hulle aan skeerbuik beswyk het of deur die siekte gestrem gelaat is.

Russiese pelsjagters en setlaars het na die rivier verwys as Slavjanka of "Klein meisie". Groter getalle setlaars het hulle egter eers teen die middel van die 19de eeu in die streek gevestig nadat die Kaliforniese goudstormloop skare fortuinsoekers na die Weskus laat stroom het.
 
{{clear}}