Frankfurt am Main: Verskil tussen weergawes
Content deleted Content added
Official data |
Etiket: 2017-bronwysiging |
||
Lyn 225:
[[Lêer:FFM HBF Frankfurt.jpg|duimnael|links|Die stadshorison van Frankfurt am Main word deur die wolkekrabbers van banke oorheers.]]
Frankfurt am Main bied sowat 600 000 werkgeleenthede vir sy inwoners en 'n groot aantal pendelaars. Die stad is nie net een van die belangrikste knooppunte vir die Duitse en internasionale vervoer nie, maar ook die setel van verskeie groot handelskoue.
Daar is min ander Duitse stede met dieselfde verskeidenheid van internasionale ondernemings wat hier hulle hoofkwartiere het. Die vernaamste nywerhede is chemie, advertensies, sagteware en inbelsentrums. Die stad staan egter veral bekend as 'n finansiële en handelsentrum. Die Frankfurtse Beurs is die tweede grootste in [[Europa]] en een van die belangrikstes ter wêreld. Die wolkekrabbers in die middestad, waarvan die grootstes nagenoeg 300 meter hoog is, dien as die hoofkwartiere van die groot Duitse banke.
Die sentrale ligging van Frankfurt in Duitsland het die vinnige groei van sy [[Lughawe Frankfurt|lughawe]] bevorder. Dit is nou die grootste passasiers- en vraglughawe op die Europese vasteland en bied ook die grootste aantal internasionale bestemmings.
=== Handelskoue ===
In Frankfurt word sedert die Middeleeue gereeld handelskoue gehou. Al vroeg is die stad deur 'n grootpad, die Via Regia, met die ander groot Duitse handelstad, [[Leipzig]], verbind. ''Messe Frankfurt'', 'n onderneming waarvan 60 persent in besit van die stad en 40 persent van die deelstaat Hesse is, is die grootste organiseerder van handelskoue en kongresse ter wêreld wat oor sy eie handelskouterrein en kongressentrum beskik en sowat 2 600 medewerkers in diens het.<ref>[https://www.fr.de/frankfurt/frankfurt-mehr-aussteller-messe-ambiente-13524653.html ''Frankfurter Rundschau, 5 Februarie 2020: Frankfurt: Mehr Aussteller bei Messe Ambiente. Besoek op 17 Mei 2020'']</ref>
Die handelskouterrein is van 'n hipermoderne infrastruktuur voorsien, met die nuwe wolkekrabber Messeturm as sy baken. Hier vind die groot skoue soos die ''Internationale Automobilausstellung'' (motors), ''Frankfurter Buchmesse'' (boeke) en ''Ambiente Frankfurt'' (verbruikersware) plaas.
== Demografie ==
| |||