Wikipedia:Geselshoekie: Verskil tussen weergawes
Content deleted Content added
Lyn 481:
Dis my amptelike totsiens hier, ek soek ander stokperdjies wat meer sin maak en waar die een se werk nie deur die ander een "se werk" vernietig word nie. Die Afrikaanse Wikipedia is net '''tydmors'''. Geniet maar die botartikels. Mense is hier net onbelangrik, die toekoms behoort aan masjiene, soos in Matrix, et al. [[Gebruiker:Aliwal2012]], gebruik my voorbladartikels soos jy wil, ek stel nie meer belang daarin nie. Ek gaan ook nie nuwes skryf nie. Die bot sal hulle net weer stukkend slaan. Ek doen liewers iets anders met my tyd en sluit by al die bogenoemde vermiste gebruikers aan en ek verstaan hulle nou baie goed! Die een of ander het waarskynlik dieselfde rede. Groete. -- [[Lêer:Flag of South Africa.svg|20px]] [[Gebruiker:SpesBona|SpesBona]] 21:00, 17 Mei 2020 (UTC)
::My liewe Zeus en ander gode op die berg Olimpus
::Soos u weet het ek in my [http://praag.co.za/?p=47170 PRAAG-artikel] geskryf "Afrikaans maak van jou 'n god". Ongelukkig, soos ons die mitologie ook ken, is daar so nou en dan 'n twisappel wat in die menigte gegooi word ("ek is die mooiste"), wat nou maar noodwendig uitloop op die slag van Troje. Die geluk by die ongeluk is dat ons ''Vergilius'' geërf het wat die staaltjie in fleurige taal opgetower het (om te roem op die uiteindelike Romeinse oorwinning!).
::Ek is glad nie verbaas dat jy 'n ander stokperdjie wil soek nie, want as mens na jou eie CV op 30-35 jarige ouderdom begin kyk, begin mens tog wonder of 'n roman wat stof tussen die duisende ander op die biblioteekrak vergaar nie miskien meer seggingskrag op papier sou hê nie. En party ander stokperdjies is net interessanter, soos kompetisies, Duolingo, om as proefleser genader te word. En as selfs jou eie moeder begin sê "dit help nie jou oë gee later in nie; Wikipedia gaan nie vir jou bril betaal nie", hoe edel ook die doel en ideaal, dan raak jou tyd op Wikipedia net effe minder.
::Afrikaans is egter soos op die platteland: in die stad is jy een mens tussen miljoene wat die arbeid verdeel; op die platteland is daar één mens wat alles moet kan doen.
::Nie alleen moet jy inligting skep nie, jy moet dit ook verwerk. Ook is dit moeilik om iemand te vind wat oor jou onderwerpe kan saamgesels of op verbeter, wat in 'n soort tweegesprek betrokke kan raak. Ongelukkig, soos die wet van verbruikerisme dit het, maar ook die wet van sosiale media: hoe meer jy het, hoe meer moet jy in stand hou, hoe meer moet jy antwoord, hoe minder tyd het jy.
::Ek kyk byvoorbeeld na [https://twitter.com/afrifiksie Afrifiksie] se Twitter-voer. In 2019 springlewendig. Selfs die radio-omroepster Amore Bekker is onder die volgelinge. Sedert 23 Desember 2019 nie 'n ganse woord nie; tot nou die dag, 13 Mei 2019.
::Terselfdertyd merk ek ook 'n verstarring by die Duitse Wikipedia op. Die [https://de.wikipedia.org/wiki/Geschichte_Brasiliens#Demokratie onlangse geskiedenis van Brasilië] gee niks te kenne van die tegnologiese wonders nie - eerder presidente wat keer op keer uit die kussings gelig is.
::Eers dan besef mens in hoeveel verskillende loopgrawe mens gelyktydig moet veg en bontstaan in Afrikaans. [[Gebruiker:Suidpunt|Suidpunt]] ([[Gebruikerbespreking:Suidpunt|kontak]]) 08:54, 18 Mei 2020 (UTC)
| |||