Curriebeker: Verskil tussen weergawes

Content deleted Content added
k Robot: standardisering van verwysingsjablone en invoeging van argiefskakels
Lyn 9:
Die kompetisie het sy nederige begin as ’n interdorp-kompetisie in 1884 gehad, maar toe die [[Suid-Afrikaanse Rugbyraad]] in 1889 gestig is, is besluit om ’n nasionale kompetisie te organiseer wat spanne van al die groot unies sou insluit. Die unies wat deelgeneem het was die [[Westelike Provinsie]], [[GWK Griekwas|Griekwaland-Wes]], [[Goue Leeus|Transvaal]] en [[Oostelike Provinsie]]. Die eerste toernooi is in Kimberley gehou en is deur die Westelike Provinsie gewen. Die wenprys was ’n silwer beker wat geskenk is deur die Suid-Afrikaanse Rugbyraad, wat nou in die SA Rugbymuseum in [[Kaapstad]] te sien is.
 
Die huidige goue beker is in 1892<!-- 1891 volgens HAT Taal-en-feitegids --> in gebruik geneem. Sir [[Donald Currie]], die skeepsmagnaat, het dit aan W .E. Maclagan, kaptein van die eerste [[Britse en Ierse Leeus|toerspan uit die Britse Eilande]] na Suid-Afrika, toevertrou op die vooraand van hulle vertrek na Suid-Afrika. Maclagan sou die trofee aan die eerste span toeken wat die toerspan kon klop. Daarna moes dit ’n wisseltrofee vir die Suid-Afrikaanse provinsiale kampioenspan word. Die toerspan het al sy wedstryde gewen, maar nogtans die trofee oorhandig aan [[Griekwas (rugbyspan)|Griekwaland-Wes]], wat met net 3-0 verloor het. Sir Donald het ook trofeë aan verskeie ander Suid-Afrikaanse sportsoorte geskenk, insluitende krieket, sokker, swem en waterpolo, maar om geen van dié bekers word vandag meer meegeding nie.
 
Terwyl plaaslike unies reeds van 1892 om die Curriebeker meegeding het, het dit ’n paar dekades geduur voordat ’n amptelike kompetisie tot stand gebring is. Ná jare van geleentheidstoernooie wat deur die Westelike Provinsie oorheers is, het Suid-Afrika se belangrikste kompetisie met groot verwagting in [[1968]] afgeskop. In daardie jaar het [[Blou Bulle|Noord-Transvaal]], onder leiding van die legendariese [[Frik du Preez]], [[Goue Leeus|Transvaal]] met 16-3 in die eindronde gewen, wat ’n era van algehele oorheersing deur die Pretorianers ingelyf het waarin hulle die Curriebeker 16 keer gewen het en drie keer die titel gedeel het. Hierdie besonderse prestasie sou waarskynlik nie moontlik gewees het sonder die kundigheid van [[Naas Botha]] nie. Hy kon die spel meesterlik beheer met uitmuntende taktiese bewustheid deur ’n loopbaan wat oor drie dekades gestrek het. Botha kon manalleen opponerende spanne op hul knieë dwing en hy het in [[Curriebeker 1987|1987]] al Noord-Transvaal se 24 punte teenoor Transvaal se 18 in die eindronde aangeteken.