Volgens marknavorsing, wat deur die [[Hamburg]]se onderneming ''Statista'' gedoen is, sal daar in 2019 sowat 180 miljoen tabletrekenaars wêreldwyd verkoop word. [[Europa]] is reeds sedert 2013 die belangrikste mark, met verkope van sowat 102 miljoen eenhede in 2017. [[Asië|Asiatiese]] markte in die [[Stille Oseaan]]gebied toon vinnige groei met 'n beraamde verkoopsyfer van 108,6 miljoen in 2018 (sonder [[Japan]]) en sal Europa na verwagting in 2019 verbysteek.<ref>[https://www.statista.com/statistics/276635/market-share-held-by-tablet-vendors/ ''Statista.com: Global tablet market share held by tablet vendors from 2nd quarter 2011 to 1st quarter 2018. Besoek op 11 Julie 2018'']</ref>
Die Amerikaanse vervaardiger Apple, Inc. is sedert die tweede kwartaal van 2011 die markleier op die tabletmark, al het sy destydse markaandeel van destyds meer as 60 persent in die volgende jare bestendig afgeneem. In die eerste kwartaal van 2018 is dit op 28,8 persent beraam. Die belangrikste mededinger is die [[Suid-Korea]]anse Samsung Electronics Co., Ltd., met 'n markaandeel wat van slegs 7,3 persent in die tweede kwartaal van 2011 tot 15,2 persent in 2018 gegroei het. Intussen het - naas Acer, Asus en HP - ook [[Volksrepubliek China|Chinese]] vervaardigers soos Huawei en Lenovo tot die mark toegetree.
