Lee Hazlewood: Verskil tussen weergawes

'''Barton Lee Hazlewood''' (9 Julie 1929 – 4 Augustus 2007) was 'n [[Verenigde State van Amerika|Amerikaanse]] country music- en popsanger, liedjieskrywer en platevervaardiger wat internasionale bekendheid verwerf het deur sy samewerking met die kitaris Duane Eddy gedurende die laat 1950's en die sangeres en aktrise [[Nancy Sinatra]] gedurende die 1960's en 1970's. Vir Sinatra, wat aanvanklik in die skadu van haar beroemde vader Frank gestaan het, was dit die beginpunt van 'n suksesvolle loopbaan. Die kombinasie van Lee Hazlewood se bariton- en Nancy Sinatra se kristalhelder stem het in 'n verskeidenheid duette gekontrasteer wat boaan die trefferlyste gepryk het.