San Gimignano: Verskil tussen weergawes

Content deleted Content added
Voyageur (besprekings | bydraes)
kNo edit summary
Etiket: 2017-bronwysiging
Voyageur (besprekings | bydraes)
kNo edit summary
Etiket: 2017-bronwysiging
Lyn 68:
 
San Gimignano se oorspronge strek terug tot in die [[Etruskers|Etruskiese]] tydperk. In die 10de eeu het die nedersetting die naam van die biskop van Modena aangeneem wat die nedersetting tydens 'n inval van barbare beskerm het en later as ''San Gimignano'' gekanoniseer is. In 1199 het San Gimignano 'n ''libero comune'' geword, 'n nedersetting met 'n onafhanklike munisipale regering wat vervolgens meegeding het met ander selfregerende gemeenskappe in sy omgewing soos [[Volterra]]. Dikwels het politieke mededinging in hierdie periode tot gewapende konflikte gelei.
 
Naas eksterne was daar ook interne konflikte. Die belangrikste hiervan het voortgespruit uit die magstryd tussen aanhangers van die keiserdom in die tyd van die [[Heilige Romeinse Ryk]], die Ghibellyne, en hul teenstanders, die Welfe as aanhangers van die pouslike gesag. Die beginpunt was 'n politieke geskil tussen keiser Hendrik IV en [[pous Gregorius VII]].
 
San Gimignano is 'n argitektoniese juweel van 'n Middeleeuse Toskaanse nedersetting, met strukture uit die 13de en 14de eeu wat grotendeels onveranderd bewaar gebly het. Kenmerkend is die hoë torings wat deur welvarende families as versterkte wonings opgerig is - hoe hoër hul aansien en rykdom, des te meer verdiepings is gebou. Van oorspronklik 72 torings het vyftien bewaar gebly wat aan San Gimignano byname soos "Manhattan van die Middeleeue" of "Stad van torings" besorg het. [[Florence]], Siena en [[Pisa]] is San Gimignano die mees besoekte nedersetting in Toskane.