San Gimignano: Verskil tussen weergawes
Content deleted Content added
kNo edit summary Etiket: 2017-bronwysiging |
kNo edit summary Etiket: 2017-bronwysiging |
||
Lyn 67:
'''San Gimignano''' is 'n nedersetting in die provinsie Siena van die administratiewe streek [[Toskane]] met 'n goed bewaarde [[Middeleeue|Middeleeuse]] stadskern wat in 1990 tot [[Unesco]]-[[Wêrelderfenisgebied|wêrelderfenis]] verklaar is.<ref>[https://whc.unesco.org/en/list/550 ''UNESCO World Heritage List - Historic Centre of San Gimignano. Besoek op 15 Junie 2019'']</ref>
San Gimignano se oorspronge strek terug tot in die [[Etruskers|Etruskiese]] tydperk. Die nedersetting het in die 8ste eeu n.C. 'n ekonomiese opbloei beleef as handelsplek langs 'n belangrike Frankiese pelgrimsroete na [[Rome]]. Die verbouing van [[saffraan]], 'n plant wat as spesery sowel as natuurlike verfstof vir kosbare syklere gewild was, het bygedra tot sy ekonomiese welvaart.
In die 10de eeu het die nedersetting die naam van die biskop van Modena aangeneem wat die nedersetting tydens 'n inval van barbare beskerm het en later as ''San Gimignano'' gekanoniseer is. In 1199 het San Gimignano 'n ''libero comune'' geword, 'n nedersetting met 'n onafhanklike munisipale regering wat vervolgens meegeding het met ander selfregerende gemeenskappe in sy omgewing soos [[Volterra]]. Dikwels het politieke mededinging in hierdie periode tot gewapende konflikte gelei. Naas eksterne was daar ook interne konflikte. Die belangrikste hiervan het voortgespruit uit die magstryd tussen aanhangers van die keiserdom in die tyd van die [[Heilige Romeinse Ryk]], die Ghibellyne, en hul teenstanders, die Welfe as aanhangers van die pouslike gesag. Die beginpunt was 'n politieke geskil tussen keiser Hendrik IV en [[pous Gregorius VII]]. In San Gimignano het die adellike familie Ardinghelli die Welfiese saak gesteun, die Salvucci het by die Ghibellynse kamp aangesluit. Dit was nogtans geen politieke stryd wat die nedersetting uiteindelik verswak het nie, maar die [[Swart Dood]] wat hier in 1348 gewoed het. Ses jaar later het San Gimignano onder Florentynse bewind gekom.
| |||