Danie du Toit: Verskil tussen weergawes

'''Daniël Stephanus Rudolph du Toit''', alias '''Reënwolf''', gebore [[5 Oktober]] [[1992]], is ʼn Suid-Afrikaanse sanger en liedjieskrywer en deel van die groep, [[Spoegwolf]], en du Toit is ook mede-eienaar van die restaurant, ''Drum'', in [[Stellenbosch]], waaronder die produk ''Drum Loud Coffee'' en ander projekte ook spruit. Du Toit is mede-kurator en mede-stigter van die aanlyn platform, ''Die River'', waar Suid-Afrikaanse kunstenaars inspirasie kan put en samewerkings bewerkstellig en du Toit is ook die regisseur en vervaardiger van die aanlynprogram, ''Middernag met Marguerite''. Behalwe vir musiek en skryfkuns, is du Toit ook ʼn entrepreneur wat help in die vervaardiging en verspreiding van die restaurant se unieke produkte, ''Drumfood Holdings Pty LTD''., asook stigter van die maatskappy ''The Astronomy Wine Company'' waar unieke wyne gebottel gaan word en plaaslik en internasionaal versprei word.

Nadat du Toit matrikuleer het aan [[Hoër Jongenskool Paarl]] in [[2010]] het hy sy tersiêre studies voortgesit aan die [[Universiteit Stellenbosch|Universiteit van Stellenbosch]]. In [[2013]] behaal hy sy BA-graad in Taal en Kultuur en die daaropvolgende jaar sy honneursgraad (cum laude) in Geskiedenis met sy skripsie wat die rol van vroue in Suid-Afrika beskryf en die misplaasde posisie van plaaswerkers in die Suid-Afrikaanse wynbedryf - in 2016 verwerf hy sy meestersgraad. Tydens sy studies het hy ook deeltyds gehelp om onder andere opstelle te merk vir Geskiedenis, as studie mentor tweedejaarstudente akademiese leiding te gee en in 2016 en 2017 was hy ook ʼn deeltydse dosent aan die Universiteit van Stellenbosch. Du Toit het tydens sy studies verskeie beurse ontvang, onder andere: die HB Thom Beurs (2015), die Meriete Beurs (2015), die Claude Harris Leon Stigtingsbeurs (2014) en die Rhodes Beurs waar hy op die kortlys gekom het om by [[Oxford Universiteit]] te kon studeer (2016). In 2014 word hy genooi om as spreker op te tree by La Rochelle Meisies Hoërskool om die gehoor oor leierskap en sosiale interaksie toe te spreek en later dieselfde jaar tree hy op as beoordelaar by ʼn Engelse skool in Stellenbosch se debat.