[[Lêer:Ecuadorian Kfir dropping napalm.jpg|duimnael|250px|'n Ecuadoriaanse [[IAI Kfir]]-lugmagvliegtuig stort napalm op 'n teiken tydens "Blue Horizon", 'n gesamentlike VSA-Ecuadoriaanse militêre oefening.]]
'''Napalm''' is 'n [[verdikkingsmiddel]] wat tipies met [[petrol]] of 'n soortgelyke brandstof vermeng word vir gebruik in militêre operasies — merendeels as 'n anti-personeel wapen. Dit word meestal gebruik in brandbomme en word gevrees weens die ernstige brandwonde wat dit by mense en diere veroorsaak. Die term ''napalm'' is 'n samestelling van die aanvanklik-vermeende bestanddele, naamlik [[natrium]]nafteensuur (Na)en palmitiensuur as die [[palmitaat]]. Dit sou egter blyk dat die natriumnafteen-palmitaat wat in die vervaardiging van die eerste napalm gebruik is, oor 'n bykomende substansie beskik het. Nietemin is die benaming behou.
''"Napalm B"'' is die meer moderne weergawe van napalm, en ten spyte van die opvallende verskil in chemiese samestelling, staan dit ook dikwels as "napalm" bekend.<ref name="GS Napalm" /> In die omgangstaal is ''napalm'' gebruik as 'n generiese naam vir verskeie [[ontvlambare stof|ontvlambare]] vloeistowwe met aanwendings in oorlogvoering, merendeels [[petrol]] in jelvorm, soos wat uitgewerp word deur [[vlamwerper]]svlamwerpers in [[infanterie]]- en [[gemeganiseerde oorlogvoering]].<ref name="GS Napalm">[http://www.globalsecurity.org/military/systems/munitions/napalm.htm Globalsecurity.org artikel]</ref>
