Andrew Jackson Downing: Verskil tussen weergawes
Content deleted Content added
kNo edit summary Etiket: 2017-bronwysiging |
kNo edit summary Etiket: 2017-bronwysiging |
||
Lyn 32:
As uitgewer van die maandelikse tydskrif ''The Horticulturist'', wat volgens hom aan ''rural art and rural taste'' gewy was, word hy as een van die grondleggers van Amerikaanse landskapsargitektuur beskou. In hierdie tydskrif, die eerste van sy soort in die Verenigde State, het Downing sy ideaal van 'n naturalistiese landskapsargitektuur as 'n moderne alternatief tot die klassieke geometrie van historiese Italiaanse en Franse tuinboukuns, 'n kulturele erfenis wat in die 18de en vroeë 19de eeuse Amerikaanse samelewing algemeen aanvaar is, aan 'n breër publiek bekendgestel.<ref>David Schuyler: ''Apostle of Taste: Andrew Jackson Downing 1815–1852''. Baltimore and London: The John Hopkins University Press 1996, bl. 1-2</ref>
Downing is besiel deur die estetiese beginsels van Engelse argitektuur wat hy in sy ontwerpe aan die klimatiese besonderhede van Noord-Amerika sowel as die republikeinse instellings van die jong Amerikaanse samelewing probeer aanpas het - 'n samelewing waarna (na aanleiding van [[Ralph Waldo Emerson]] se essay ''The Young American'' wat in 1844 gepubliseer is) as ''Young America'' verwys is en wat gedurende die 1840's en 1850's nog sy eie kulturele identiteit probeer vind het. Sy teorieë baseer op die gedagtes en werke van John Claudius Loudon (1783–1843), 'n [[Skotland|Skotse]] botanikus, landskapstuinier en argitek, wat die positiewe effekte van 'n ontspanne lewe in 'n landelike omgewing beklemtoon het - 'n soort suiweringsproses vir die menslike gees wat volgens sy demokratiese ideale toeganklik en ervaarbaar sou wees vir alle sosiale klasse in die samelewing.<ref>[http://www.fredericklawolmsted.com/ajdowning.htm ''FrederickLawOlmsted.com: Andrew Jackson Downing. Besoek op 1 Julie 2020'']</ref> In 'n stedelike omgewing kon hierdie ideaal in die [[Victoriaanse tydperk]] volgens Loudon deur openbare tuine en parke verwesenlik word.
Met sy argitektoniese ontwerpe het Downing op enkelgesinshuise in landelike omgewings gefokus. In lyn met die heersende smaak van sy tyd, wat sterk deur Romantiese strominge en 'n herwaardering van Middeleeuse kultuur en boukuns beïnvloed is, het hy wonings in die ''Picturesque Gothic'' of ''Italianate''-styl ontwerp. Downing het daarna gestrewe om die beste moontlike behuising aan Amerikaners uit alle inkomstegroepe en lae van die samelewing te voorsien. So het hy drie grondleggende modelle vir 'n verskeidenheid ontwerpe van woonhuise ontwikkel: villa's vir welvarende klante, ''cottages'' (kothuise) vir werkersklasgesinne en plaashuise vir boere.
| |||