Renosterveld: Verskil tussen weergawes

Renosterveld maak deel uit van die [[Kaapse floraryk]], saam met [[bergfynbos en -renosterveld|bergfynbos]], wat arm aan voedingstowwe is en strandveld wat [[PH|alkaliese]] grond het wat ryk aan voedingstowwe is. 'n Belangrike verskil met [[fynbos]] is dat in renosterveld die [[restio's]], die [[Proteaceae|protea]]'s en die [[heideagtiges]], wat oorheersende elemente van fynbos is, ontbreek. Pleks daarvan het dit baie [[grasse]] soos ''Themeda'' en ''Cymbopogon'', struike uit die ''[[Asteraceae]]'' en die grootste verskeidenheid [[geofiet]]e (veral bolgewasse) in die wêreld. Renosterveld groei op vrugbare grond en hiervan het minder as 5% oorgebly. Die res is omgeploeg vir landbougrond, en al wat oorgebly het, is klein, geïsoleerde stukkies, soos klipperige koppies, wat nie geskik was vir ploeg nie. Talle groot elemente van hierdie lewensgemeenskap het deur die versnippering uit die streek verdwyn, soos die [[swartrenoster]] en die [[tierboskat]], of het uitgesterf, soos die [[kwagga]] en die [[bloubok]].<ref name="overberg"/> [[Natuurbewaring|Natuurbewaarders]] is ook besorg wat die gevolge van die versnippering vir die [[Biodiversiteit|genetiese verskeidenheid]] van die [[Endemies (ekologie)|endemiese]] plantespesies is. Navorsing aan die [[bloubaardbekkie]], 'n eenjarige endemiese plant, het nogtans min negatiewe uitwerking getoon.<ref>''Low impact of fragmentation on genetic variation within and between remnant populations of the typical renosterveld species Nemesia barbata in South Africa'' {{Outeur|Steffen Heelemann et al.}} Biochemical Systematics and Ecology, 54, 2014 bls. 59-64</ref> ▼