Prins Albert: Verskil tussen weergawes

Prins Albert lê aan die voet van die Swartberg en by die noordelike ingang tot die [[Swartbergpas]], op 'n hoogte van 650&nbsp;meter bo [[seevlak]]. Die dorp het sy landelike 19de eeuse karakter met sy kenmerkende grasgedekte gewelhuise bewaar. Die landskap in die omgewing spog met die tipiese helderblou Karoo-uitspansel, tintelende berglug en kristalhelder stroompies. Die blomme, [[vrugte]] en [[groente]], wat op Prins Albert se standplase gedy, word uit die bergstroompies natgelei.<ref>Marincowitz, Helena: ''Prins Albert – lusoord in die Karoo''. In: Suid-Afrikaanse Panorama, volume 32, nommer 12 (Desember 1987), bl. 36</ref> Die [[Oukloofdam]] in die Cordiersrivier verskaf drink- en besproeiingswater aan Prins Albert en omgewing.