Citrusdal: Verskil tussen weergawes

Mense wat aan [[rumatiek]] en soortgelyke kwale ly, besoek jare lank reeds die beweerde radioaktiewe water van die warmwaterbron by [[The Baths]] wat na die oppervlak borrel in 'n digbebosde vallei van 'n takrivier van die Olifantsrivier. Inskripsies op die rotse om die bron, wat die helende krag van die water aanprys, dateer terug tot die [[18de eeu]]. Die omgewing word elke lente oortrek deur [[Namakwaland]] se blommeprag. Dit tree op as 'n basis van waar staptogte in die [[Sederberg (berg)|Sederberg]] onderneem word.

Die uitgestrektheid van die gemeente Clanwilliam het na 1900 doeltreffende bediening van gemeentelede in die Olifantsriviervallei bemoeilik. Daarom is op [[26 Februarie]] [[1916]] 'n gemeente op die plaas Middelpost gestig. Die naam Citrusdal is deur ene mnr. Polly Visser van Heksrivier voorgestel. 'n Gedeelte van die plaas Middelpost is van die broers Van Zyl aangekoop vir die aanlê van die dorp. Die eerste nagmaal is op 8 April 1916 in 'n waenhuis op die plaas gehou. Die hoeksteen van die kerkgebou, ontwerp deur die argitek [[Anthonie Smith]], is op [[1 Februarie]] [[1941]] gelê en 'n jaar later is die sierlike kerk ingewy. Dit bied sitplek aan sowat 1 200 mense, hoewel die [[volwassene|volwasse]] lidmate van die gemeente in 2007 sowat duisend getel het. Die gebou het altesaam £ 13 000 gekos.

Citrusdal Hoërskool byin die Olifantsriviervallei is 'n klein skool met omtrent 350 studenteleerders.