Egiptiese tempel: Verskil tussen weergawes

 

== Konstruksie ==

Tempels is regdeur [[Bo-Egipte|Bo-]] en [[Benede-Egipte]] gebou, asook in die Egipties beheerde [[oase]]s in die Libiese Woestyn en op die Sinai-skiereiland. In tydperke waarin Egipte Nubië oorheers het, is ook daar tempels gebou tot so ver suid as [[Djebel Barkal]].<ref>Wilkinson 2000, pp. 100, 233, 234</ref> Die meeste Egiptiese dorpe het een gehad,<ref>Wilkinson 2000, p. 16</ref> maar soms, soos met die dodetempels in Nubië, is die tempels in die oopte gebou.<ref name="Kemp">Kemp, Barry, "Temple and town in ancient Egypt", in Ucko et al., pp. 661, 666–667</ref> Die presiese ligging is dikwels om godsdienstige redes gekies, soos die mitiese geboorte- of begraafplek van ’n god. Die tempel se as kon ook oplyn met plekke van godsdienstige betekenis, soos die ligging van ’n naburige tempel, die plek waar die son opkom of spesifieke sterre. Die Groot Tempel van [[Aboe Simbel]] is byvoorbeeld so gebou dat die son twee keer per jaar op die standbeelde van die gode in die heiligdom skyn. Die meeste tempels het met die [[Nyl]]rivier opgelyn en hul as was min of meer oos-wes.<ref name="Wilkinson 36">Wilkinson 2000, pp. 36–37, 226</ref> Dit is egter ook beïnvloed deur die vloei van die rivier op ’n spesifieke plek.