Fisika: Verskil tussen weergawes

Content deleted Content added
Lyn 107:
Kwantummeganika het ook die teoretiese gereedskap verskaf vir gekondenseerdematerie-fisika, wat die gedrag van vaste- en vloeistowwe bestudeer, insluitende verskynsels soos [[kristalstruktuur|kristalstrukture]], [[halfgeleier|halfgeleiding]] en [[supergeleier|supergeleiding]]. Die baanbrekers op die gebied van gekondenseerdematerie-fisika sluit [[Felix Bloch|Bloch]] in wat die kwantummeganiese beskrywing van die gedrag van elektrone in kristalstrukture in [[1928]] geformuleer het.
 
In die [[Tweede Wêreldoorlog]] is navorsing deur albei strydende partye gedoen oor kernfisika met die doel om 'n [[atoombom]] te maak. Die Duitse poging, deur Heisenberg gelei, het nie geslaag nie, maar die Geallieerdes se [[Manhattan-projek]] het die doelwit bereik. In 1942 het [[Enrico Fermi|Fermi]] in Amerika die eerste mensgemaakte kernkettingreaksie veroorsaak, en in 1945 is die wêreld se [[Trinity kernwapentoets|eerste atoombom]] ontplof by die [[Trinity-terrein]] naby Alamogordo, [[Nieu-Meksiko]].
 
Die kwantumveldteorie is geformuleer om kwantummeganika uit te brei sodat dit kan aanpas by spesiale relatiwiteit. Dit het sy moderne vorm bereik in die laat 1940's met werk wat deur [[Richard Feynman|Feynman]], [[Julian Schwinger|Schwinger]], [[Tomonaga]], en [[Freeman Dyson|Dyson]] gedoen is. Hulle het die kwantumelektrodinamika-teorie geformuleer wat elektromagnetiese interaksie beskryf.