Verskil tussen weergawes van "Sciëntologie"

k
Etiket: 2017-bronwysiging
Etiket: 2017-bronwysiging
Navorsers wys daarop dat die verhouding tussen L. Ron Hubbard se literêre werke op die gebied van wetenskapsfiksie en die geloofsbeginsels en -praktyke van Sciëntologie in populêre media (en die populêre kultuur in die algemeen) in 'n sterk vereenvoudigde vorm uitgebeeld (en soms as ''UFO cult'' beskryf) word: ''A number of popular culture products have rather crudely taken elements of Hubbard's science fiction inspired narratives and oversimplified the connections between them and Scientology's beliefs and practices.''<ref>Stephen A. Kent and Susan Raine (reds.): ''Scientology in Popular Culture. Influences and Struggles for Legitimicy''. Santa Barbara, California • Denver, Colorado: Praeger 2017, bl. viii</ref> ''Cult wars'' tussen beweerde aanhangers en teenstanders van die Kerk van Sciëntologie vind onder meer op internet-platforme soos Wikipedia en YouTube plaas.
 
Vanuit die Kerk se netwerke is kritiese gedeeltes uit Wikipedia-artikels verwyder, terwyl 'n groep teenstanders negatiewe inhoud bygevoeg het waarin hulle slegs na mekaar se eie publikasies as bronmateriaal verwys het. Albei groepe is in 2009 uit die Engelsmedium-projek van Wikipedia verban.<ref>[https://www.computerwoche.de/a/wikipedia-schliesst-scientology-autoren-aus,1897303 ''Computerwoche, 29 Mei 2009: Manipulationsvorwürfe: Wikipedia schließt Scientology-Autoren aus. Besoek op 15 Julie 2020'']</ref> IP-adresse, wat as deel van Sciëntologie se eie netwerke geïdentifiseer is, is deur die Wikimedia-stigting summier geblokkeer, net soos skakels tot aanlyn-publikasies. Aan enkle bydraers met 'n sodanige IP-adres word nogtans die kans gegee om haar-/homself te registreer en volgens die vasgestelde beleid by te dra. Omvattende inligting word egter buite die projek in 'n eie wiki, ''Scientolipedia'', verskaf wat deur vrywilligers saamgestel word.
 
Duitse owerhede se optrede teen die Kerk van Sciëntologie weens sy beweerde, maar nooit bewese onkonstitusionele optrede het reeds tot diplomatieke geskille tussen die Verenigde State en die Bondsrepubliek Duitsland gelei. Die saak is deur die Amerikaanse minister van buitelandse sake, Madeleine Albright, aangespreek.<ref>[https://www.blaetter.de/sites/default/files/downloads/zurueck/zurueckgeblaettert_200708.pdf ''Blaetter.de: Scientology – Gewerbebetrieb oder Verfassungsfeind? Von Claus Leggewie und Alexandra Lagalée. Besoek op 15 Julie 2020'']</ref> Histerie en vervolgingswaan van Kerk-teenstanders het spottende kommentare uitgelok. Een van die mees prominente teenstanders van die Kerk in Duitsland en voorsitter van 'n werkgroep het uiteindelik so histeries en verkramp oor die onderwerp geraak dat sy vir haar politieke vennote ondraagbaar geword het.<ref>[https://taz.de/Portrait-Ursula-Caberta/!5137157/ ''Portrait Ursula Caberta: Die abservierte Sektenjägerin. Besoek op 15 Julie 2020'']</ref>
 
Sciëntologie beywer hom na eie bewering vir ''"a civilization without insanity, without criminals and without war, where the able can prosper and honest beings can have rights, and where man is free to rise to greater heights"''. Twee Duitse wetenskaplikes, wat 'n bydrae oor Sciëntologie in die ''Blätter für deutsche und internationale Politik'' gepubliseer het, het Sciëntologie as "twak en bedrog" beskryf - maar gelyktydig openlik beken dat dieselfde vir baie ander gelowe geld.<ref>[https://www.blaetter.de/sites/default/files/downloads/zurueck/zurueckgeblaettert_200708.pdf Claus Leggewie und Alexandra Lagalée: ''Scientology - Gewerbebetrieb oder Verfassungsfeind?''. In: ''Blätter für deutsche und internationale Politik'', nommer 8, 2007, bl. 981-982]</ref>
 
 
== Verwysings ==