Verskil tussen weergawes van "Pius Langa"

156 grepe bygevoeg ,  8 maande gelede
geen wysigingsopsomming nie
 
 
== Biografie ==
Pius Nkonzo Langa is op 25 Maart 1939 in [[Bosbokrand]] in die [[Transvaal]] gebore <ref name="constitutionalcourt1"/> as die tweede van sewe kinders. Hy moes skool op 14-jarige ouderdom verlaat om ’n inkomste te verdien om sy gesin te help onderhou, maar het later matriek en sy regsgrade (in 1973 en sy LLB in 1976) aan [[Universiteit van Suid-Afrika|Unisa]] behaal<ref>{{cite web|url=http://www.whoswho.co.za/pius-langa-939|title=Pius Langa se profiel op whoswho.co.za|publisher=Whoswho.co.za|language=en|archive-url=https://web.archive.org/web/20180317130148/http://whoswho.co.za:80/pius-langa-939|archive-date=17 Maart 2018|access-date=24 Julie 2013|url-status=live|df=dmy-all}}</ref>. Sy loopbaan het in 1957 by ʼn klerefabriek begin. Tussen 1960 en 1977 het hy verskeie poste in die Departement van Justisie gedien, van boodskapper tot magistraat. Hy is in 1977 as advokaat van die Hooggeregshof van Suid-Afrika toegelaat, het op die Natalse[[Natal]]<nowiki/>se balie gedien en tot die rang van senior advokaat in 1994 bevorder.
 
Nadat hy ’n lid van die Durbanse[[Durban]]<nowiki/>se balie geword het, het politieke sake hom aangetrek en het hy intens by die stryd om demokrasie betrokke geraak. Hy het die National Association of Democratic Lawyers help stig (en in 1988 die president geword) en het in die [[UDF]] gedien. In die Kodesaonderhandelingsproses was hy ’n regsadviseur van die ANC. Volgens oudregter Johan Kriegler kon Langa bykans elke taal en dialek in Suid-Afrika praat.
 
Langa se werk as advokaat het die stryd teen die apartheidstelsel weerspieël en sy kliënte het minderbevoorregtes, burgerlike organisasies, handelsunies en politieke gevangenes ingesluit.
 
Toe die [[Konstitusionele Hof van Suid-Afrika|Konstitusionele Hof]] van Suid-Afrika gevestig is aan die vooraand van ʼn post-apartheid konstitusionele en demokratiese era in 1994, is regter Langa saam met tien ander as die eerste regters van die nuwe hof aangstel. Hy het in Augustus 1997 adjunkpresident van die hof geword en en die posisie van adjunkhoofregter van Suid-Afrika in November 2001 aanvaar. In Junie 2005 het hy die land se hoofregter en hoof van die Konstitusionele Hof geword en het hierdie pos tot en met sy aftrede in Oktober 2009 beklee.
 
Hy het ’n belangrike rol gespeel om die grondslag van Suid-Afrika se jong grondwetlike demokrasie daar te stel. Gedurende sy termyn in die Konstitusionele Hof, maar ook ná sy aftrede, het hy daarna gestreef om ’n nie-rassige, nie-seksistiese en regverdige samelewing te bou wat op die waardes van menswaardigheid, gelykheid, die oppergesag van die Grondwet en die reg geskoei is.
Oor die jare heen het regter Langa talle konferensies, werkwinkels en seminaars gereël of aan deelgeneem oor onderwerpe soos menseregte, geregtigheid en ander konstitusionele kwessies. Hy het ook toesprake gelewer in talle oorsese lande oor verskeie onderwerpe wat op Suid-Afrika betrekking het.
 
Langa sal moontlik die beste onthou word vir sy toespraak in 2006 oor die aard van “transformatiewe konstitusionalisme”. Daarin bevestig hy dat Suid-Afrika wel ’n “transformerende Grondwet” het en verduidelik hy wat dit beteken: “Dit is ’n manjifieke doelwit vir ’n grondwet: om die wonde van die verlede te genees en ons na ’n beter toekoms te lei. Myns insiens is dít die kern van transformerende konstitusionalisme: dat ons moet verander.”
 
Regter Langa is in 1988 as ereprofessor in die Departement Proses- en Kliniese Reg aan die [[Universiteit van KwaZulu-Natal]] aangestel en het vir verskeie jare as besoekende professor aan die Southern Methodist Universiteit in Dallas, Texas gedien. Hy was kanselier van die Universiteit van KwaZulu-Natal (1998-2004) en die eerste kanselier van die [[Nelson Mandela Metropolitaanse Universiteit|Nelson Mandela Metropolitaanse Univeriteit]] (2006-2010).
 
Hy het vanuit verskeie oorde toekennings ontvang vir die bevordering van geregtigheid en menseregte. President [[Thabo Mbeki]] het in 2008 die Orde van die Baobab: Goud aan hom toegeken.
 
In Suid-Afrika het die universiteite van Zoeloeland, Weskaap, Kaapstad, Unisa en Rhodes eredoktorsgrade aan hom toegeken, en oorsee het Yale Universiteit, die Nasionale Universiteit van Ierland en die Noord-Oostelike Universiteit in Boston dieselfde gedoen.
430

wysigings