Gaius Sallustius Crispus: Verskil tussen weergawes

Skakel
(Uitleg van bronteks)
(Skakel)
 
'''Gaius Sallustius Crispus''' ca. 86 v.C. Amiternum - 35 v.C. was 'n Romeinse politikus, generaal en skrywer.
 
'''Sallustius''' word in 52 v.C.[[volkstribuun]] en het waarskynlik P. Clodius Pulcher ondersteun wat deur T. Annius Milo, die Optimates se man, in 52 v.C. op die Via Appia vermoor is. In 50 v.C. word Sallustius self deur die Optimates uit die senaat verwyder.<ref>''Sallust'' Sather Classical Lectures {{Aut|Ronald Syme}} University of California Press, 2002, ISBN 0520929101, ISBN 9780520929104</ref> Hy kry in 49 v.C. onder [[Julius Caesar]] die bevel oor 'n legioen. In 47 v.C. is hy ''praetor'' en probeer hy 'n opstand in Caesar se legioen te bedwing. Hy neem ook deel in Caesar se [[Africa (Romeinse provinsie)|Africa]]-veldtogte, maar beëindig toe sy militêre loopbaan. Caesar maak hom die eerste goewerneur van die nuwe provinsie Africa Nova, die oostelike deel van [[Numidië]]. Hy het homself daar glo baie ryk gemaak en later het Caesar hom moet beskerm teen klagte oor dié gebeure. Hy het in Rome grond gekoop vir 'n landhuis in die beroemde ''Horti Sallustiani'', 'n park wat later die keiser se eiendom sou word. Ná Caesar se dood in 44 v.C. trek hy hom terug uit die politiek en word skrywer.<ref>''Catiline's War, The Jugurthine War, Histories'' Penguin classics {{Aut|A. J. Woodman}} Penguin, 2008, ISBN 1101160586, ISBN 9781101160589</ref>
 
Hy is veral bekend as skrywer van boeke wat as bronne vir die geskiedkunde belangrik is: die ''Bellum Iugurthinum'', die ''De Coniuratione Catilinae'' en die ''Historiae''. In sy ''Historiae'' beskryf hy die gebeure in Rome van 78 tot 67 v.C.. Ongelukkig het daar net dele daarvan oorgebly. Die ''Bellum Iugurthinum'' gaan oor die oorlog met [[Jugurtha]] en die ''De Coniuratione Catilinae'' oor die sameswering van Catilina. <ref>''Warfare in the Roman Republic: From the Etruscan Wars to the Battle of Actium: From the Etruscan Wars to the Battle of Actium'' {{Aut|Lee L. Brice}} ABC-CLIO, 2014, ISBN 1610692993, ISBN 9781610692991</ref>