Buffalo, New York: Verskil tussen weergawes

Buffalo lê aan die oostelike oewer van die [[Eriemeer]] en aan die suidelike boloop van die Niagararivier, wat die Erie- met die [[Ontariomeer]] verbind. Die eerste Europees-Amerikaanse setlaars het hulle hier in die laat [[18de eeu]] gevestig. Die stad het tot by die bou van die [[Eriekanaal]] sowat veertig jaar later net 'n stadige groei ervaar. As die kanaal se westelike eindpunt het Buffalo tot by die vroeë [[20ste eeu]] tot een van die belangrikste nywerheidsentrums van die Verenigde State en sy grootste binnehawe ontwikkel. Met die opening van die nuwe Welland-kanaal en die Sint-Laurens-waterweg het die stad teen die middel van die 20ste eeu sy belangrike funksie as uitvoerhawe en nywerheidsentrum kwytgeraakingeneem. Die proses van deïndustrialisering het sedert die 1950's gepaard gegaan met 'n voortdurende bevolkingsafname.

Die naam van Buffalo is afgelei van die spruitjie, wat deur die stad vloei. Die oorsprong van die spruitjie se naam bly egter onduidelik, en daar bestaan 'n aantal teorieë, wat nie deur historiese bewyse gestaaf is nie. Een teorie stel dat die naam 'n verengelsing van die Franse ''Beau Fleuve'' ("Mooirivier") sou wees – moontlik volgens 'n uitroep van Louis Hennepin, toe hy die spruit vir die eerste keer gesien het. Daar is geen historiese bronne uit daardie tydperk wat hierdie teorie steun nie.