Juscelino Kubitschek: Verskil tussen weergawes

 

'''Juscelino Kubitschek de Oliveira''' ([[Portugees|Portugese]] uitspraak: [ʒuseˈlinu kubiˈtʃɛk dʒi oliˈvejɾɐ]; * [[12 September]] [[1902]], † [[22 Augustus]] [[1976]]), in [[Brasilië]] dikwels kort '''JK''' genoem,<ref>[https://library.brown.edu/create/fivecenturiesofchange/chapters/chapter-6/presidents/juscelino-kubitschek/ ''Brown University Library | Center for Digital Scholarship: Brazil - Five Centuries of Change: Juscelino Kubitschek. Besoek op 11 April 2018'']</ref> was 'n leidende Brasiliaanse politikus wat tussen 1956 en 1961 die amp van 21ste president beklee het. Sy ampstermyn het saamgeval met 'n fase van ekonomiese welvaart en politieke stabiliteit. Kubitschek, wat 'n akademiese opleiding as geneeskundige gevolg het, het daarnaas bekendheid verwerf vir die grootste bouprojek ooit - die stigting van 'n nuwe futuristiese hoofstad diep in die Brasiliaanse binneland, [[Brasília]].

Die ongekende ekonomiese opswaai en industrialisering, wat met Amerikaanse en Europese kapitaal gefinansieer is, het egter met 'n relatief hoë inflasiesyfer en groeiende staatskuld gepaard gegaan, terwyl die kloof tussen arm en ryk nie verklein kon word nie. So het Kubitschek nie daarin geslaag om vir 'n tweede ampstermyn herverkies te word nie. In 1976 het hy in padongeluk gesterf.