Boek van Mormon: Verskil tussen weergawes

Die '''Boek van Mormon''' is 'n boek van religieuse skrifture wat gebruik word as die hoofwerk van vier gekanoniseerde of Heilige Skrifte deur lidmate van die [[Kerk van Jesus Christus van die Heiliges van die Laaste Dae]] (LDS-Kerk) en ander denominasies binne die restourasionistiese Mormoonse kerkfamilie. Die boek is 'n verhaal van 'n groep mense, almal afstammelinge van die Israelitiese stam van Josef, wat [[Jerusalem]] sowat 600 jaar voor die geboorte van [[Jesus Christus]] verlaat het. Onder leiding van die profeet Lehi het hulle langs die weskus van die Arabiese skiereiland suidwaarts getrek en 'n skip gebou waarmee hulle na die Amerikas geseil het.

 

 

Teen die einde van die 20ste eeu is die getal gedrukte eksemplare op meer as 100 miljoen beraam.<ref>Ronald W. Walker, David J. Whittaker and James B. Allen with a contribution by Armand L. Mauss: ''Mormon History''. Urbana and Chicago: University of Illinois Press 2001, bl. 200</ref> In 2011 is die mylpaal van 150 miljoen eksemplare bereik.<ref>[https://www.churchofjesuschrist.org/church/news/book-of-mormon-reaches-150-million-copies?lang=eng ''Churchofjesuschrist.org, 20 April 2011: Book of Mormon Reaches 150 Million Copies. Besoek op 29 Augustus 2020'']</ref> Die meeste eksemplare word tans in [[Salt Lake City]] gedruk; maar daar word ook gebruik gemaak van drukkerye in [[Brasilië]], [[Duitsland]], [[Japan]], [[Suid-Korea]] en die [[Republiek van China]] (Taiwan).

Die oorspronklike vertaling staan amptelik bekend as ''Original Manuscript''. Om moontlike verlies van die teks te voorkom, het Oliver Cowdery die hele Boek van Mormon in 'n tweede manuskrip gekopieer wat vandag as ''Printer's Manuscript'' bekend staan. Van hierdie tweede manuskrip het die drukker die eerste uitgawe van die Boek van Mormon geset. Met uitsondering van een enkele lyn het die ''Printer's Manuscript'' volledig bewaar gebly en is tans in besit van die ''[[Community of Christ]]'' in Independence, Missouri. Daarenteen het slegs sowat 25 persent van die ''Original Manuscript'' bewaar gebly; hierdie teksgedeelte word in die Kerk van Jesus Christus van die Heiliges van die Laaste Dae se argiewe in Salt Lake City bewaar. Die res daarvan is in die 19de eeu vernietig.

Buite die LDS-Kerk en hul susterkerke erken nie een Christelike kerk of vereniging die histories-teologiese outentisiteit van die dokument nie. Nogtans word dit as een van die belangrikste werke van religieuse literatuur erken. Sy teksgeskiedenis - belangrike uitgawes is in 1830, 1837, 1840, 1879, 1920 en 1981 gepubliseer - word deur wetenskaplikes noukeurig bestudeer. 'n Omvattende lys van sekondêre literatuur met meer as 6&nbsp;300 titels, saamgestel deur die [[Brigham Young-universiteit]] se ''Foundation for Ancient Research and Mormon Studies (FARMS)'', het verskyn as ''A Comprehensive Annotated Book of Mormon Bibliography'', onder redaksie van Donald W. Parry, Jeanette W. Miller en Sandra A. Thorne.<ref>Walker, Whittaker and Allen (2001), bl. 200</ref>

{{clear}}